Ústimizdegi jylǵy 22 tamyzda Zımbabveniń prezıdenti retinde 89 jastaǵy Robert Mýgabe jetinshi ret ant qabyldady. Bul týraly ITAR-TASS habarlady.
Shilde aıynda kezekti prezıdent saılaýynda 61 paıyz daýys jınap, jeńiske jetken Robert Mýgabeniń ant qabyldaý rásimi Zımbabve respýblıkasynyń astanasy - Harar qalasynda ótti.
Alaıda, Zımbabve kóshbasshynyń qarsylastary saılaý nátıjeleri burmalandy dep narazylyq bildirýde. Prezıdent saılaýynda Robert Mýgabemen básekege túsken atalmysh el premer-mınıstri Morgan Tsvangıraı saılaý nátıjesiniń kúshin joıýdy talap etip, Konstıtýsııalyq sotqa shaǵym túsirgen.
Al Afrıka odaǵy saılaýdy ádil ótti dep tanyǵan.
Sonymen, 1980 jyldan beri Zımbabveni basqaryp kele jatqan Robert Mýgabeniń prezıdenttik qyzmeti taǵy 5 jylǵa uzardy.
Taǵy bir aıta keter jáıt, bıylǵy jyldyń naýryz aıynda Zımbabveniń jańa konstıtýsııasy qabyldanyp, onda budan bylaı prezıdentter bes jyldan eki ret qana saılaýǵa túsýge quqy bar ekeni kórsetilgen. Iаǵnı, prezıdenttik qyzmet merzimine shekteý qoıylǵan. Demek, Robert Mýgabeniń densaýlyǵy qalypty bolsa, eldi áli on jyldaı basqarýǵa múmkindigi bar.
Joldybaı Bazarov.