Pavlodar oblysynda ótken muǵalimderdiń dástúrli tamyz keńesiniń sońy aımaqtyń úzdik ustazdaryn marapattaýǵa ulasty. Olar Bilim jáne ǵylym mınıstrligi men oblys ákiminiń qurmet gramotalaryn, tósbelgileri men alǵys hattaryn aldy.
Oblys basshysy Erlan Aryn eń sońynan bir top tańdaýly muǵalimderge oblystyń arnaýly tartýy – avtokólikterdi syıǵa tartty. Bul marapatqa Qazaq KSR-iniń eńbek sińirgen muǵalimi Tájibaı Shaımerdenov, Úshterek shaǵyn orta bilim berý mektebiniń dırektory Ǵalııa Ámirhanova, «Pavlodar qalasy №122 mektepke deıingi gımnazııanyń» tárbıeshisi Kúlzada Ahmetova jáne № 23 Ýspensk kolledjiniń óndiristik bilim berý sheberi Ivan Lozovık ıe boldy.
Murat AITQOJA.