Afrıkadaǵy Kot-d’Ivýar eliniń ataqty fýtbolshysy Dıde Drogba óziniń jeke menshik aýrýhanasyn koronavırýspen kúresetin ortalyqqa aınaldyrý jaıly el úkimetine usynysyn jasady.
Bul ǵımarat 2016 jyly Abıjan qalasynda salynyp, oǵan ataqty aıaqdopshy Lorn Pokýdyń aty berilgen bolatyn. Qazirgi jaǵdaıda atalmysh elde 660 adam indetke shaldyqsa, 146-sy saýyǵyp, 6 adam o dúnıege attanypty.
«Mundaı el basyna kún týǵan tusta er jigittiń qarap jatqany jaramas, páleniń betin qaıtarý úshin osyndaı sheshim qabyldadym» depti ańyz fýtbolshy.