Bul týraly Túrkistan oblysy ákimi О́mirzaq Shókeev Úkimet otyrysynda aıtty.
«Sý eldi mekenderden ketkennen keıin úılerdi aralap, byltyrǵy Arys tájirıbesi sııaqty ár úıge kelgen zardapty, shyǵyndy eseptep shyǵýymyz kerek. Ári qaraı komıssııamen birigip, búlingen úılerdi qaıta qalpyna keltirý joldaryn qarastyrý kerek. Sý basqan aýyldyń evakýasııalanǵan ár turǵynyna ótemaqy belgileý durys bolar dep esepteımin. Munan bólek 7 myńnan astam egistik alqabyna biraz shyǵyn keldi. Egilgen egistik, plenka astynda jatqan ártúrli egistik alqaby bar. Sonyń bárin qaıta eseptep, ony da óteýge kómektesýimiz qajet», dedi О́mirzaq Shókeev.
Sondaı-aq ol qazir evakýasııalanǵan azamattarǵa túsindirý jumystary júrgizilip jatqanyn aıtty.
«Byltyrǵy Arystaǵydaı kóp adamdy jınap, úlken jıyn jasamaımyz. Jeke-jeke ár mektepke baryp, túsindirý jumystary júrgizilýde. Jalpy halyq túsinistikpen qaraıdy, úlken shydamdylyqpen, tózimdilikpen bul jaǵdaıdy ótkizip jatyr. Biz komıssııany kútip otyrmyz, solarmen birge bárin aralap shyǵamyz», - dedi oblys ákimi.