Búgin, Qaraǵandy oblysynda alty adamnyń koronavırýs ınfeksııasyn juqtyrǵany anyqtaldy, dep habarlady oblys ákiminiń baspasóz qyzmeti.
Pasıentterdiń bári de Temirtaý qalasynyń turǵyndary. Úsheýi 1984, 1986, 1997 jyldary týǵan er adamdar. Bireýi 1993 jylǵy áıel, qalǵandary bes jáne eki jastaǵy balalar.
Búginge deıingi málimetterge saı, Qaraǵandy oblysynda COVID-19 dertin juqtyrýdyń 175 oqıǵasy tirkelgen. Onyń ishinde úsh naýqas kóz jumdy jáne 82 pasıent aýrýhanadan úı karantınine shyǵaryldy.