Sıngapýrde Boston Dynamics kompanııasynyń Spot atty robot ıti kóshede adam qýalap júr. Bul elde jalǵyz qydyra berýge tıym salynbaǵan. Degenmen de, Bıshan-Ang Mo Kıo saıabaǵynda qydyryp júrgen adamdar koronavırýske qatysty qaýipsizdik sharalaryn umytqan sııaqty. Sol sebepti qala bıligi 8 mamyrdan bastap adam kóp shoǵyrlanatyn jerlerge osyndaı robot jibere bastaǵan.
Robot bir-birine jaqyn júrgen adamdarǵa birden eskertý jasaıdy. Sonymen qatar koronavırýsten saqtaný joldaryn, onyń ishinde qoldy qalaı jýý kerektigin aıqaılap aıtady. Qyzyqtap qaraǵan jurtshylyqtyń nazaryn birden aýdaratyndyqtan paıdaly aqparatty berýdiń osyndaı formatyn oılap tapqan sıngapýrlikterge tań qalmaýǵa bolmas.