2019 jyly Qazaqstannan kapıtaldyń jylystaýy 1,6 mlrd dollarǵa jetti. Bul týraly Ulttyq bank ókilderi depýtattyń suraýyna bergen jaýabynda habarlady,- dep habarlaıdy Egemen.kz.
О́tken jyldaǵy syrtqy sektor statıstıkasyna silteme jasaǵan Ulttyq bank bul soma Qazaqstan rezıdentteriniń syrtqy aktıvteriniń, sonyń ishinde Ulttyq qordyń aktıvteriniń ulǵaıýymen baılanysty dep túsindirdi.
"2019 jylǵa kapıtaldyń taza eksporty 1,6 mlrd dollarǵa jetti. Sonymen qatar, sońǵy 15 jyl ishinde (2005 jyldan 2019 jylǵa deıin) kapıtaldyń syrtqa jylystaýy 13,4 mlrd AQSh dollaryn, jeke sektordyń operasııalary úshin - 55,3 mlrd dollarǵa jetti" dep atap ótti Ulttyq bank.
Osyǵan deıin Senat otyrysynda depýtat Olga Perepechına sońǵy 20 jylda Qazaqstannan ofshorlyq aımaqqa 140 mıllıard dollarǵa jýyq aqsha shyǵarylǵanyn aıtyp, premer-mınıstr Asqar Mamın jáne Ulttyq bank tóraǵasy Erbolat Dosaevqa Qazaqstannan shetelge zańsyz shyǵarylyp jatqan aqshalarǵa nelikten monıtorıng júrgizilmeıtinin suraǵan bolatyn. "Qazaqstannan kapıtaldy zańsyz shyǵarý máselesi árdaıym ózekti. Sebebi eldiń ulttyq jáne ekonomıkalyq qaýipsizdigine tikeleı qaýip tóndiredi. Qazir dúnıejúzi ekonomıkasy, onyń ishinde bizdiń eldiń ekonomıkasy da daǵdarys jaǵdaıynda turǵandyqtan, bul túıtkil máselege aınaldy. Biz shetelge qansha kapıtal shyǵarylyp jatqanyn bilmeımiz. Sebebi biryńǵaı monıtorıng jáne baǵalaý júıesi joq, memleket tıisti zertteý júrgizbeıdi. Sondyqtan biz sarapshy uıymdardyń baǵalaýyna júginýge májbúrmiz", - dedi Perepechına.
Depýtat Tax Justice Network halyqaralyq uıymynyń derekterine súıenip, sońǵy 20 jylda Qazaqstannan ofshorlyq aımaqqa 140 mıllıard dollarǵa jýyq qarjy shyǵarylǵanyn aıtty.
"Shetelge ketetin kapıtaldy ekonomıkalyq zertteý, monıtırong júrgizý jospary bar ma? Muny qandaı memlekettik organ júzege asyrady? Ulttyq zańnamada shetelgen aqshany zańdy túrde shyǵarýdyń birneshe joly qarastyrylǵan. Biraq kapıtaldy zańsyz shyǵarý faktisine baılanysty aqshany qaıtarý mindeti zańnamada kórsetilmegen", - dedi depýtat saýalyn oqyp.
Shekara asqan mıllıardtardy elge qaıtarý jaıyn osydan úsh jyl buryn Elbasy kótergen. Sol kezde Nursultan Nazarbaev qansha qarjynyń shetelge ketkenin de jaıyp salyp, olıgarhtarǵa ofshorǵa ketken mıllıardtardy zańdastyrý qajettigin aıtqan edi.
Bul rette, Ulttyq Bank klassıkalyq maǵynada kapıtaldyń ketýi bul aqshany shetelge ornalastyrý maqsatynda elden aqsha aýdarý dep túsindirdi. Osylaısha, oǵan negizinen bıznes júrgizý turǵysynan zańdy, standartty operasııalar kiredi. Sonymen qatar, qadaǵalaý organy tarıhı kapıtaldyń taza aǵymyn kórgen tikeleı ınvestısııalar tólem balansynyń qarjylyq esebine úlken qyzyǵýshylyq tanytatynyn atap ótti. Bul Qazaqstandaǵy iri ınfraqurylymdyq jobalardy júzege asyrýǵa baılanysty. "Tikeleı ınvestısııalar úshin 2013 jyldan bastap 2019 jylǵa deıingi dınamıkada kapıtaldyń offshorlyq aımaqtarǵa taza eksporty 1,1 mıllıard dollarǵa, al taza ımporty - 4,2 mıllıard dollarǵa jetti. Tikeleı ınvestısııalar úshin offshorlyq aımaqtardan taza túsim boldy. 2019 jyly qylmystyq zańnamany izgilendirý sharalary aıasynda qarajat shetelden qaıtarylmaǵan jaǵdaıda qylmystyq jaýapkershilik úshin 45 myń AEK-ke deıin ulǵaıtyldy", dep túsindirdi bas bank. Sondaı-aq, olar Ulttyq Bank qazirgi ýaqytta Qarjy mınıstrligimen tıisti standarttardy engizý jáne vedomstvolar arasyndaǵy aqparattyq ózara is-qımyldy tehnıkalyq engizý boıynsha jumystardy jalǵastyryp jatqanyn, ony aıaqtaý 2021 jylǵa josparlanǵanyn aıtty.