Qazaqstandyq komandalar qatysatyn fýtboldan Eýrokýbok básekeleri ádettegideı shilde aıynda emes, tamyzdyń ortasynda bastalady. Bul týraly ÝEFA-nyń resmı saıty habarlady.
Uıymdastyrýshylardyń málimeti boıynsha, 2020/2021 jylǵy Chempıondar lıgasynyń irikteý kezeńine ózgeris engen. Endi elektik matchtar úıdegi jáne syrttaǵy kezdesý bolyp bólinbeı, tek bir oıynnan ótedi. Chempıondar lıgasynda baq synaıtyn elordanyń «Astana» komandasy Eýrokýboktaǵy joryǵyn 2020 jyldyń 18-19 tamyz kúnderi alǵashqy irikteý kezeńinen bastaıdy. Ekinshi irikteý kezeńi 25-26 tamyzǵa, úshinshi kezeń 15-16 qyrkúıekke, al pleı-off matchy 22-24 jáne 29-30 qyrkúıekke josparlanǵan.
Al Eýropa lıgasynda dop tebetin «Qaırat» pen «Ordabasy» komandalary týrnırdi 27 tamyzda birinshi irikteý kezeń oıyndarynan bastaıdy. Byltyr el kýbogynda top jarǵan «Qaısar» ekinshi kezeńnen bastaıdy. Matchtar 17 qyrkúıekte ótedi. Sondaı-aq 24 qyrkúıekke úshinshi kezeńniń oıyndary, 1 qazanǵa pleı-off matchtary josparlanǵan.