Qyrǵyzstannyń Syrtqy ister mınıstri Chıngız Aıdarbekov seısenbi kúni óziniń Facebook paraqshasynda koronavırýs ınfeksııasymen aýyrǵany týraly málimdeme jasady, dep habarlaıdy Egemen.kz
"Meniń búkil ımmýndyq júıem 11 kún boıy osy vırýspen kúresti. Qazir Allaǵa raqmet! Densaýlyǵym ornyna kelip jatyr", deıdi Chıngız Aıdarbekov.
Onyń aıtýynsha, pandemııanyń aýyr kezeńinde Syrtqy ister mınıstrliginiń jumysy bir mınýtqa da toqtamaıdy. Sondaı-aq dıplomattar tıimdi sharalardy qoldanyp jatqanyp atap ótti.
Búgingi kúni Qyrǵyzstanda COVID-19 juqtyrǵandardyń jalpy sany 11 538-ge deıin ósti. Onyń 149-y qaıtys bolsa, aýrýhanalardan 3569 naýqas jazylyp shyqty.