Aqtóbe oblysy ákimdigi men Reseıdiń Orynbor oblysy úkimeti arasynda áleýmettik-ekonomıkalyq yntymaqtastyq, sonyń ishinde densaýlyq saqtaý salasy jóninde kelisimshartqa qol qoıylǵan.
Búgingi pandemııa jaǵdaıynda bul baǵytta orynborlyqtar tarapynan aqtóbelikterge shıpasy tıetin taǵy bir qadam jasaldy. Iаǵnı atalǵan kelisimshartqa sáıkes Aqtóbe aımaǵyndaǵy provızorlyq jáne kúndizgi stasıonarlarǵa 52 myń qorapsha dárilik preparattar jetkizildi.
Mundaǵy on túrli dárilik quramnan turatyn preparattardyń barlyǵy qazirgi kúni neǵurlym joǵary suranysqa ıe ekenin aıtqan jón. Atap aıtqanda, «Azıtromısın», «Bromgeksın», «Vankomısın», «Deksametazon», «Ksarelto», «Fraksıparın», «Sefotaksım» jáne «Seftrıakson» ataýyn ıelengen dáriler ókpe qabynýyn toqtatýǵa kómegin tıgizbek. Sondaı-aq farmasevt mamandardyń málimdeýinshe atalǵan preparattardyń dene qyzýy men qaqyryq túsiretin paıdasy mol.
Aqtóbe oblysy