Toı jasaǵandar jaýapqa tartylady

Elimizde qaýipti indettiń taralýyn azaıtý úshin aı basynda jarııalanǵan karantın rejimi Prezıdent sheshi­mimen shildeniń sońyna deıin sozyl­ǵany belgili. Osy tusta Ádilet mınıstri belgilengen shara­lardy buz­ǵandar jaýapkershilikke tarty­la­tynyn málimdedi. «Azamattar men jeke kásipkerler sanıtarııa ta­lap­­taryn buzǵan jaǵdaıda Ákim­shilik quqyq buzýshylyq týraly ko­dek­stiń 425-baby boıynsha (halyqtyń sanıtarlyq-epıde­mııa­lyq sala­mattylyǵy salasyndaǵy zań­nama talaptaryn, sondaı-aq gıgıenalyq nor­matıvterdi buzý) jaýapqa tartylady. Tıisti sanıtarlyq ere­jelerdi 5 shildede Densaýlyq saqtaý mınıstri bekitken», dedi M.Beketaev. Sondaı-aq mınıstr karantın kezinde toı jasaǵandarǵa 83 myń teńge kóleminde aıyppul salynatynyn aıtty. Al eger mundaı sharalardyń bary­­synda azamattar jappaı vırýs juq­tyrsa, aıyppuldyń da kólemi arta túsedi. Al oqıǵanyń salda­ry jaǵymsyz jaǵdaıǵa aparsa, qyl­mys­tyq is qozǵalýy yqtımal eken.

Quqyqtyq máseleler týyn­da­ǵan kezde turǵyndar Ádilet mınıstr­liginiń Quqyq­tyq aqparattyq qyz­metiniń 119 nemese 58-00-58 nómir­lerine, sondaı-aq WhatsApp messendjeri arqyly 87086935631 nómirine júgine alady.