Keshe, 24 qyrkúıekte Atyraý qalasynda 4 jasar egiz ul joǵalyp ketken. Olar Juldyz yqshamaýdanyndaǵy úıinen shyǵyp ketip, qaıta oralmaǵan, dep habarlaıdy Egemen.kz
"2016 jyly týǵan egiz ul – Ernar men Ernur Ilıasovtardyń joǵalǵany týraly saǵat 17:00 shamasynda "102" operatoryna habar tústi. Olardy izdegen polısııa qyzmetkerleri yqshamaýdan aýmaǵyn jiti tekserdi. Polıseıler bir-birimen rasııa arqyly udaıy baılanysta boldy. Arada eki saǵat ótkende polısııa kapıtany Danııar Taıbýrıev baılanysqa shyǵyp, Juldyz yqshamaýdanyndaǵy 6-kóshede adasyp júrgen balany tapqanyn habarlady. Ol joǵalǵan egizderdiń biri Ernar bolyp shyqty. Jarty saǵattan keıin polısııa aǵa leıtenanty Qanat Ispýsınov osy yqshamaýdannyń shetinde ornalasqan "Savanna" demalys ornynyń artynan kishkentaı balany taýyp aldy. Onyń Ernur ekeni anyqtaldy. Polıseıler egiz uldy otbasymen qaýyshtyrdy", dep habarlady oblystyq departamentiniń baspasóz qyzmeti.