Túrkistan oblysyndaǵy kúzgi egin jınaý naýqany tabysty qorytyndylandy, dep habarlaıdy Egemen.kz.
Bıylǵy karantındik sharalarǵa qaramastan, óńirde agroónerkásip kesheninde turaqty ósim saqtalyp, kóktemgi jáne kúzgi dala jumystary óz merziminde atqaryldy.
Egis kólemi 17 myń gektarǵa artyp, 846 myń gektarǵa jetti. Masaqty daqyldardan 513 myń tonna ónim jınalyp, 64 myń tonnaǵa, kókónis, kartop, baqsha ónimderinen 3 mln tonna ónim jınalyp, 400 myń tonnaǵa artty. Mal azyqtyq daqyldardan 3,9 mln tonna ónim jınalyp, 1,5 jyldyq mal azyǵy qory jınaqtaldy. Maqta daqyly 126 myń gektar alqapqa egilip, 331 myń tonna shıtti maqta jınaý boljanyp otyr. Búgingi kúnde «aq altynnyń» 30 paıyzy jınaldy. Bul derekter Qazyǵurt aýdany, «Sharbulaq» aýyldyq okrýginde ótken dalalyq semınar barysynda keltirildi.
Oblys ákimi О́mirzaq Shókeev, agrobıznes ókilderi, aýdan, qala ákimderi men sharýalar qatysqan semınarda jańadan qolǵa alynǵan nóldik óńdeý júıesi talqylanǵan bolatyn. Tálimi jerdi parǵa qaldyrmaı, tikeleı sebý tehnologııasyn endirý Túrkistan oblysynda agroónerkásip keshenin damytýdyń tórtinshi baǵyty bolyp aıqyndaldy. Tikeleı egý tehnologııasy topyraqty erozııaǵa ushyraýdan saqtaıdy, qunarlyǵyn arttyrady. Semınar barysynda mamandar súr tanapqa qaldyrylǵan jerlerdiń ár gektarynan ortasha 90 myń teńge tabys alynatynyn aıtty. Iаǵnı, oblysta súr tanapqa qaldyrylatyn 57 myń gektar alqaptan qosymsha jyl saıyn 5,1 mlrd teńgeniń ónimi óndiriledi degen sóz. Sondaı-aq, tikeleı egýdiń nátıjesinde sharýalar ár gektardan 24 myń teńge qarjysyn únemdeıdi.Túrkistan oblysy