Jezqazǵan qalasynda belgili mesenat Bekzat Altynbekov taǵaıyndaǵan dástúrli "Tulǵa" syılyǵyn tapsyrýdyń saltanatty rásimi ótti, dep habarlaıdy Egemen.kz
Ábý Nasyr ál-Farabıdiń 1150 jyldyǵyna jáne Abaıdyń 175 jyldyq mereıtoıyna oraılastyrylǵan bul is-sharada bilim, mádenıet, óner jáne BAQ salalarynyń qyzmetkerleri qurmettiń tórine shyǵarylyp, marapat mártebesine ıe boldy.
Bıylǵy "Tulǵa" syılyǵyna laıyqty laýreattardyń qatarynda Qazaqstannyń eńbek sińirgen ártisi, "Qurmet" ordeniniń ıegeri Merýert О́tekeshova, Semeı qalasyndaǵy M.Áýezov atyndaǵy pedagogıkalyq kolledjdiń dırektory Shaǵangúl Janaeva, belgili aqyn Serik Aqsuńqaruly, Qazaqstannyń eńbek sińirgen qaıratkeri, Qazaqstan Jýrnalıster odaǵynyń múshesi Sáýle Meshitbaeva, qoǵam qaıratkeri Nazıpa Shanaı boldy.
Sonymen qatar, saltanat barysynda BAQ, bilim, mádenıet jáne óner salasynyń qyzmetkerleri de ataýly syılyqtarmen marapattaldy. Mysaly, BAQ jáne mádenıet salasynda Kamal Smaılov atyndaǵy syılyqqa "Egemen Qazaqstan" gazetiniń Aqmola oblysyndaǵy menshikti tilshisi Baıqal Baıádil, Sábıt Baıdalın atyndaǵy syılyqqa Qaraǵandy oblystyq "Qazaqstan" RTRK" AQ fılıalynyń dırektory Berik Dúısetaev, Zýlpa Chýmakova atyndaǵy syılyqqa "Jezkazganskıı vestnık" gazetiniń bas redaktory Elvıra Alpanbaeva, Baýbek Bulqyshev atyndaǵy syılyqqa Ulytaý aýdanynyń qurmetti azamaty, respýblıkalyq jáne halyqaralyq aıtystardyń birneshe dúrkin jeńimpazy Muqash Seıitqazınov, Muqan Imanjanov atyndaǵy syılyqqa "Saryarqa" gazetiniń redaksııasy" JShS dırektory Darhan Muhan, Appaz Qarajigitov atyndaǵy syılyqqa aqyn, "Shabyt" festıvaliniń jeńimpazy Tanakóz Tolqynqyzy ıe boldy.
Sonymen qatar, bul keshte bolashaq urpaqty tárbıeleýge jáne bilim berýdi damytýǵa qosqan úlesi úshin Shabal Beısenbekova atyndaǵy syılyqpen "Qurmet" ordeniniń ıegeri Aıman Túkbaeva, Qabden Shyńǵysov atyndaǵy syılyqpen Balqash qalasynyń №15 mektep-lıseıi dırektory Qarlyǵash Dúbirbekova, Nurııa Jumajanova atyndaǵy syılyqpen Nur-Sultan qalasynyń Álıhan Bókeıhanov atyndaǵy №76 mektep-lıseıiniń dırektory Sapýra Tólekova marapattaldy.
О́ner salasy boıynsha Janat Hadjıev atyndaǵy syılyq Jezqazǵan qalasynyń Serke Qojamqulov atyndaǵy qazaq mýzykalyq drama teatrynyń akteri Baqytjan Ibraevqa, Dosjan Janbotaev atyndaǵy syılyq Qazaqstannyń eńbek sińirgen qaıratkeri Erbol Esendosovqa, Keńes Nurlanov atyndaǵy syılyq Nur-Sultan qalasynyń Qalıbek Qýanyshbaev atyndaǵy Memlekettik akademııalyq qazaq mýzykalyq-drama teatrynyń akteri Meıram Qaısanovqa, Qonysbek Begaıdarov atyndaǵy syılyq Qostanaı oblystyq Ilııas Omarov atyndaǵy qazaq drama teatrynyń aktıori Azamat Shókeevke, Serik Bulǵaqbaev atyndaǵy syılyq Jezqazǵan qalasynyń Serke Qojamqulov atyndaǵy qazaq mýzykalyq drama teatrynyń akteri Ardaq Jarqynbekovke, Raıhan Ibraeva atyndaǵy syılyq Jezqazǵan qalasynyń Serke Qojamqulov atyndaǵy qazaq mýzykalyq drama teatrynyń aktrısasy Qarlyǵash Baıdalınaǵa jáne Qaırat Kemalov atyndaǵy syılyq Qaraǵandy oblystyq Sáken Seıfýllın atyndaǵy Qazaq drama teatrynyń akteri Eseı Naýryzbaıǵa tabys etildi.
Al Qazaqstan halqy Assambleıasynyń 25 jyldyǵyna arnalǵan "Dostyq" arnaıy syılyǵymen Qaraǵandy oblysynyń ákimi apparaty hatshylyǵynyń bas ınspektory Gúlfaırýz Rymbekova marapattaldy.
Marapat ıelerine "Tulǵa" syılyǵynyń arnaıy jasalǵan músinsheleri, dıplomdar men tósbelgiler jáne aqshalaı syılyqtar tabys etildi.