Chıkagoda belgisiz er adam Trump Tower ǵımaratyna arqan baılap minip, AQSh prezıdenti Donald Tramppen kezdesýdi talap etken, dep habarlaıdy Egemen.kz
Derekkóz málimetinshe, bul oqıǵa keshe, 19 qazanda bolǵan.
Bıik ǵımaratqa shyǵyp alǵan er adam talabyn oryndamasa óz-ózine qol jumsaıtynyn aıtyp qorqytqan. Keıinirek, Kaktus.media málimetinshe, onyń qyrǵyzstandyq ekeni anyqtalǵan. Inside Paper basylymy er adam jazǵan vıdeony jarııalady."Bárińe sálem. Men Black Lives Matter qozǵalysynyń jaqtaýshysymyn jáne saılaýǵa deıin Tramp myrzamen sóıleskim keledi. Men ólgim kelmeıdi. Eger bireý arqandy tartyp alýǵa tyryssa, men sekirip ólemin", deıdi qyrǵyzstandyq.
Er adamnyń 31 jastaǵy Ádil Álıev ekeni belgili boldy. Sondaı-aq, onyń Qyrǵyzstanynń Balyqshy qalasynyń týmasy ekeni anyqtaldy. Keıinirek polısııa ókilderi ony ustaǵan.