Almaty ákimi Baqytjan Saǵyntaev tóraǵalyq etken apparattyq keńeste aryq jelilerin túgendeý nátıjeleri qaraldy, onyń qorytyndysy boıynsha aryqtardy abattandyrý jáne jańbyr sýlaryn aǵyzý boıynsha keshendi sharalar qabyldanatyn bolady, dep habarlaıdy Egemen.kz qala ákiminiń baspasóz qyzmetine silteme jasap.
Aryq jelilerin túgendeý qala ákimi B. Saǵyntaevtyń tapsyrmasy boıynsha jaǵdaıdyń ózektiligi, burynnan bar aryq jelileri men jaýyn kárizderiniń karta-syzbasyn ázirleý maqsatynda júrgizildi. Sondaı-aq, jasyl jelekterdi sýmen qamtamasyz etýdiń jáne jańbyr sýlaryn aǵyzýdyń keshendi sharalaryn ázirleý mindeti qoıyldy.
Túgendeý nátıjesinde 1523 shaqyrymdy quraıtyn sýarmaly aryqtardyń jalpy uzyndyǵy belgilendi. Sonyń ishinde aýdandyq ákimdikter enshisinde - 1138 shaqyrym, aýlalardyń aýmaǵynda - 245 shaqyrym, saıabaq aımaqtarynda - 60 km. 424 shaqyrym aryq jelileri jóndeýdi nemese qaıta jóndeýdi qajet etedi. Sýarý úshin 168 shaqyrym aryq qoldanylady.
Nysandardyń tólqujattary boıynsha geoderekter bazasy jasaldy, túgendeý kartalarynyń kesheni, sondaı-aq aryq jelileri me jańbyr kárizderin abattandyrý boıynsha usynymdar ázirlendi.
Almatynyń aryq jelileri óziniń mańyzy boıynsha kópsalaly jáne jasyl jelekterdi sýarýǵa ári jaıly mıkroaýhal qurýǵa arnalǵan.