Memleket basshysy Nursultan Nazarbaevtyń atyna belgili horeograf jáne baletmeıster Borıs Eıfmannan hat keldi, dep habarlady Prezıdenttiń baspasóz qyzmeti.
Memleket basshysy Nursultan Nazarbaevtyń atyna belgili horeograf jáne baletmeıster Borıs Eıfmannan hat keldi, dep habarlady Prezıdenttiń baspasóz qyzmeti.
Hat ıesi budan eki jyl buryn «Qazaqstannyń eńbek sińirgen qaıratkeri» qurmetti ataǵyn alǵanda óziniń Qazaqstanda balet ónerin damytý úshin barlyq kúsh-jigerin salatynyna ýáde etkenin atap ótken.
«Almatynyń opera jáne balet teatrynyń tamasha ujymymen men «Qyzyl Jızel» jáne «Anna Karenınany» qoıdym. Siz ózińiz premeralarǵa qatysyp, bul jumystarǵa óte joǵary baǵa bergenińizdi eshqashan umytpaımyn», delingen hatta.
B.Eıfman basqa elderde sımfonııalyq orkestrler men teatrlar jabylyp jatqan ýaqytta Qazaqstanda «Astana Opera» teatry salynǵanyn erekshe atap ótedi. Horeograftyń pikirinshe, bul – Nursultan Nazarbaevtyń mádenıet pen ónerge erekshe kóńil bóletindiginiń nátıjesi.
«Munda tek arhıtektýralyq izdenister ǵana emes, óte jaqsy tehnıkalyq jaraqtandyrý bar, kúrdeli qoıylymdar úshin barlyq jaǵdaı jasalǵan, daıyndyq júrgizetin zaldar kóp, biraq eń bastysy – sizderde talantty, shyǵarmashylyq áleýeti zor, talaby bıik jas trýppa bar», – dep jazady avtor.
Baletmeıster jańa teatr sahnasynda «Roden» baletiniń qoıylǵany, onyń astanalyqtar men elorda qonaqtary aldynda tabysqa ıe bolǵany týraly da aıtqan.
Avtor hatynyń sońynda Memleket basshysyna óner men mádenıetti damytýǵa qamqorlyǵy úshin alǵysyn bildirip, búginde álemge jol ashqan biregeı qazaq mádenıeti júrekterdi jaqyndastyra túsetinine toqtalǵan.
«О́ner men mádenıet úshin, túptep kelgende, óz elińiz ben halqyńyzdyń bolashaǵy úshin jasaǵan barlyq qamqorlyǵyńyz úshin Sizge zor alǵysymdy aıtamyn», delingen hatta.