Astanadaǵy S.Seıfýllın atyndaǵy Qazaqagrotehnıkalyq ýnıversıtetinde Tuńǵysh Prezıdent kúni merekesine oraı osy ýnıversıtettiń «Jastúlek» shyǵarmashyl jastar klýby músheleriniń «Otan dep soǵar júregim» atty jınaǵynyń tusaýkeser ótti. Atalǵan sharaǵa Qazaqstan Jazýshylar odaǵynyń tóraǵasy, Parlament Senatynyń depýtaty Nurlan Orazalın men ýnıversıtet rektory Aqylbek Kúrishbaev qatysty. Astanadaǵy S.Seıfýllın atyndaǵy Qazaqagrotehnıkalyq ýnıversıtetinde Tuńǵysh Prezıdent kúni merekesine oraı osy ýnıversıtettiń «Jastúlek» shyǵarmashyl jastar klýby músheleriniń «Otan dep soǵar júregim» atty jınaǵynyń tusaýkeser ótti.
Astanadaǵy S.Seıfýllın atyndaǵy Qazaqagrotehnıkalyq ýnıversıtetinde Tuńǵysh Prezıdent kúni merekesine oraı osy ýnıversıtettiń «Jastúlek» shyǵarmashyl jastar klýby músheleriniń «Otan dep soǵar júregim» atty jınaǵynyń tusaýkeser ótti. Atalǵan sharaǵa Qazaqstan Jazýshylar odaǵynyń tóraǵasy, Parlament Senatynyń depýtaty Nurlan Orazalın men ýnıversıtet rektory Aqylbek Kúrishbaev qatysty.
«Aldaǵy kele jatqan Tuńǵysh Prezıdent kúni merekesiniń jańa ómirge qadam basqan jas memleketimiz úshin orny erekshe, tarıhı mańyzy zor. Nursultan Nazarbaev memlekettiń tizginin tarıhtyń almaǵaıyp, synaqty kezeńinde qolyna aldy. Taǵdyr oǵan táýelsiz memleketti quryp, erkin eldiń kóshin bastaýdy buıyrtty. Ol bolsa, múmkin emesti jasady. Elbasynyń «Qazaqstan-2050» Strategııasynda baıandalǵan basymdyqtar damyǵan 30 eldiń qataryna baǵyt silteıtin baǵdarsham bolýy tıis dep oılaımyn», dedi A.Kúrishbaev óziniń kirispe sózinde.
Sharada stýdentter aldynda sóz alǵan senator N.Orazalın aıtýly merekege oraı ótkenge sheginis jasap, táýelsizdiktiń alǵashqy jyldarynda qalam ustaǵan qaýymmen Elbasymen shetelderge birge sapar shekkende onyń kemeńgerliginiń san márte kýási bolǵanyn aıtty. Sondaı-aq, ol tusaýkeserde tebirene óleń oqyǵan bir top jasqa sheksiz rızashylyǵyn bildirdi. Eldiń birtutastyǵy onyń ana tiline degen qurmetinen bastalatyndyǵyn da aqyn nazardan tys qaldyrmady. Stýdent kezdegi jıǵan bilimiń, ómir boıǵy azyqtaryń dep jastarǵa sapaly bilim alýdyń mańyzy erekshe ekenine toqtaldy.
Jalpy sany 35 jas stýdent aqyn-jazýshylar men beıneleý óneri sheberleriniń tól týyndylary toptastyrylǵan bul jınaq myń danamen oqyrmandaryna jol tartyp otyr. Sonymen birge, búgingi suranysqa sáıkes kitaptyń elektrondy nusqasy da jasalypty.
Shara barysynda sáýlet óneri fakýlteti stýdentteri qylqalam sheberleriniń «Otanym saǵan arnalady» atty sýret kórmesi de jurtshylyq nazaryna usynyldy.
Ábdirahman QYDYRBEK,
«Egemen Qazaqstan».