Eki mektep, úsh balabaqsha ashyldy

Tuńǵysh Prezıdent kúni merekesi qarsańynda Astana qalasynyń mańaıyndaǵy Qosshy, Qaraótkel, Qoıandy, 96-razezd, Talapker aýyldarynda jańa, zamanaýı mektepter men balabaqshalar ashyldy.

Tuńǵysh Prezıdent kúni merekesi qarsańynda Astana qalasynyń mańaıyndaǵy Qosshy, Qaraótkel, Qoıandy, 96-razezd, Talapker aýyldarynda jańa, zamanaýı mektepter men balabaqshalar ashyldy.

Burnaǵy kúni Memleket basshysy Nursultan Nazarbaev As­tana qalasyn odan ári damytý máse­lelerine arnalǵan keńes ótkizip, sonda sóılegen sózinde atqarýshy bılik ókilderine Astana qalasynyń aınalasyndaǵy 30 shaqyrymdyq aımaqta ornalasqan eldi mekenderdi abattandyrý jáne olardyń áleý­mettik áleýetin arttyrý týraly naqty tapsyrmalar bergen bolatyn. Keshe Aqmola oblysynyń Selınograd aýdanyna qarasty Qosshy aýylynda 1200 oryndyq jańa mektep ǵımaraty paıdalanýǵa berildi. Jalpy quny 1,4 mlrd. teńge bolatyn tórt qabatty bul zamanaýı mektep qurylysyn «ABINUKAS» JShS eki jyl ishinde salyp, jas jetkinshekterdiń ıgiligine berip otyr.

Qosshy kentindegi jańa mek­tep ǵımaratyn paıdalanýǵa berý saltanatyna Bilim jáne ǵylym mınıstri Aslan Sárinjipov jáne Aqmola oblysynyń ákimi Qosman Aıtmuhametov qatysty. Osy saltanatty jıynda sóılegen sózinde Bilim jáne ǵylym mınıstri Mem­leket basshysynyń tikeleı qamqorlyǵynyń nátıjesinde sońǵy jyldary elimizde 500 jańa mektep paıdalanýǵa beril­genin, aldaǵy 2014 jyldyń ózinde ǵana taǵy 50 mektep oqýshylar úshin esigin aıqara ashatyndyǵyn málimdedi. О́z kezeginde oblys ákimi Qosshy kenti turǵyndaryn osyndaı tamasha bilim ordasynyń ashylýymen quttyqtaı otyryp, Elbasynyń atynan jańa mektepke 32 kompıýter jáne teledıdar syılady.

Elorda janyndaǵy Qoıandy aýylynda 280 búldirshinge tárbıe beretin «Aıaly-Aı» atty jańa bala­baqsha ǵımaraty ashyldy. Jalpy quny 569 mln. teńgeni quraǵan bul mektep jasyna deıingi balalar mekemesi qurylysyn «ASTÝ» JShS júrgizgen. Eki qabat­ty bul ǵımarat jeke jylý, sý jáne ká­riz júıelerimen jab­dyqtalǵan.

Isker azamat Baqbergen Máý­lenov basqaratyn Selınograd aýdanyna qarasty elorda irgesindegi Qaraótkel aýy­lynda búgingi zamannyń suranys­taryna tolyq jaýap beretin, jalpy quny 1,7 mlrd. teńge turatyn 1200 oqýshyǵa arnalǵan jańa mektep ǵımaraty esigin aıqara ashty. Ashylý saltanatynda osy ǵımaratty salǵan «Raıken» qurylys uıymynyń basshysy Danııar Tuńǵyshbaev mektep dırektory Altynqan Álenovaǵa jańa mekteptiń sımvoldyq kiltin tabys etti.

Sonymen birge, Tuńǵysh Prezı­dent kúni merekesi qarsańynda astanalyq oblystyń Selınograd aýda­­nyna qarasty Talapker aýy­lynda 280 oryndyq balabaqsha da paıdalanýǵa berildi. Ja­ńa úlgi­­men salynǵan, jan-jaq­ty ja­ra­q­­tandyrylǵan bul jańa bala­baqsha ǵımaratyn «Aıan» JShS-niń qurylysshylary turǵyzǵan. Sol kúni osy aýdanǵa qaras­­­­­­ty 96-razezd eldi mekeniniń turǵyndary da úlken qýanyshqa bólendi. Bul eldi mekende «Astana Kóktem S» JShS qurylysshylary turǵyzǵan 140 oryn­­dyq jańa bala­baqsha ǵımaraty búldirshinder úshin esigin aıqara ashty.

Jylqybaı JAǴYPARULY,

Baqbergen AMALBEK,

«Egemen Qazaqstan».