Keı memleketter epıdemııanyń ekinshi tolqynymen kúres máselesine belsene kirise bastady. Degenmen, mereke qarsańynda birneshe elde karantındik sharalar jeńildetilýi múmkin, - dep habarlaıdy Egemen.kz
Ulybrıtanııa eldiń birneshe aımaqtarynda, onyń ishinde el astanasynda shekteý sharalaryn jeńildetpek. Elde ınfeksııanyń juǵý ındeksi birden tómendedi. Biraq halyqtyń 40% - dan astamy áli de qatań karantındi saqtaýǵa májbúr.Fransııada shekteý sharalarynyń bir bóligi óz kúshinde qalady, biraq búginnen bastap dúkender ashylyp, turǵyndar qozǵalysynyń ruqsat etilgen radıýsy artty. Sońǵy aptada elde indetti juqtyrǵandardyń kúndelikti sany azaıýda.
Horvatııada barlar men meıramhanalar jabylyp, jıyndarǵa qatysýshylar sany azaıtyldy. Úılený toılaryna tolyqtaı tyıym salyndy, al jerleý rásimderi 25 adammen shekteledi.
Italııada, 29 qarashadan bastap Lombardııa, Pemont jáne Kalabrııa aımaqtary qyzyl aımaqtan sarǵysh aımaqqa aýysady. О́ńir turǵyndary qaıtadan 5.00-den 22.00-ge deıin erkin júre alady. Sonymen qatar, jumysqa barý, dárigerge kóriný nemese balalaryn mektepke aparý úshin aımaq ishinde júrip turýǵa ruqsat etiledi.Irlandııada jalpy gıgıena jáne áleýmettik araqashyqtyq erejeleriniń saqtaý shartymen dúkender, murajaılar, kórkemóner galereıalary men kitaphanalardyń 1 jeltoqsannan bastap ashylýyna ruqsat etildi. Al 4 jeltoqsannan bastap tek sýsyndar ǵana emes, sonymen qatar tamaq usynatyn meıramhanalar men barlar qaıtadan jumys isteı bastaıdy.
Belgııa Premer-mınıstri Aleksandr de Kroo Rojdestvo merekesi kezeńinde dúkender ashylatynyn aıtty. Biraq, memlekette ishinara lokdaýn rejımi saqtalady.Germanııa 23 jeltoqsan men 1 qańtar aralyǵynda karantındik sharalardyń jeńildetiletinin habarlady. Germanııa kansleri Angela Merkeldiń federaldy aımaqtar basshylarymen kezdesýinde, atalǵan merzim arasynda jıyndar 10 eresek adamǵa deıin qatysýyna ruqsat etilýi týraly sheshim qabyldandy.