Oblystyq densaýlyq saqtaý basqarmasy baspasóz qyzmetiniń aqparatyna súıensek, ótken táýlikte 31 adamnyń koronavırýs ınfeksııasyn juqtyrǵany PTR-test nátıjesinde anyqtaldy, dep habarlaıdy Egemen.kz.
«Naýqastardyń beseýi Atyraý qalasynda anyqtaldy. Teńiz kenishinde 23 jumysshydan, Jylyoı aýdanynda 3 adamnan qaýipti indettiń belgisi tabyldy. Sońǵy táýlikte koronavırýs ınfeksııasyn juqtyrǵandardyń basym bóligi kezekti medısınalyq tekseris kezinde anyqtalǵan. Naýqastardyń barlyǵynda ınfeksııa sımptomsyz túrde ótip jatyr» -dep habarlady basqarmanyń baspasóz qyzmeti.
Oblystyq ınfeksııalyq stasıonarda 32, aýdandardaǵy stasıonarda 8 naýqas emdelip jatyr. Teńiz kenishindegi ınfeksııalyq stasıonarda emdelip jatqan naýqastar sany 102 adamǵa jetip otyr. Al úı jaǵdaıynda 136 adam emdelýde.