«Jas sarbaz» jasóspirimder áskerı-patrıottyq qozǵalysy Respýblıkalyq qoǵamdyq birlestigi Nur-Sultan qalalyq fılıaly, QR QK áskerı-patrıottyq ortalyǵynyń qoldaýymen, «Júrekten-júrekke meıirimdilik syılaıyq» aksııasy aıasynda, “Magnum” saýda-sattyq ortalyǵymen birlese otyra, Táýelsizdigimizdiń 30 jyldyǵyna oraı, QR qorǵanys mınıstrligi áskerı medısına qyzmetkerlerine 30 azyq-túlik sebetteri taratyldy, dep habarlaıdy Egemen.kz.
«Mundaı aksııalar birinshi ret ótkizilip otyrǵan joq. Karantın ýaqytynda, vırýstyń aldyn alý jolynda aıanbaı eńbek etken dárigerlerge barynsha qoldaý kórsetý bizdiń qolymyzda. “Jas sarbaz” qozǵalysynyń músheleri úshin el rızashylyǵynan artyq syı joq. Biz osyndaı ıgi isterdi atqarýdan eshqashan jalyqpaımyz jáne barsha janashyr jandardy qatarymyzǵa qosylýǵa shaqyramyz.», - deıdi «Jas sarbaz» jasóspirimder áskerı-patrıottyq qozǵalysy Respýblıkalyq QB Nur-sultan qalalyq fılıalynyń tóraǵasy Nalshybek Ashat Baǵdatuly.
Eske sala keteıik, Qazaqstan Táýelsizdiginiń 30 jyldyǵy qarsańynda elordada «30 ıgi is» uranymen áleýmettik jáne qaıyrymdylyq sharalar ótip jatyr. Estafetadanyń basty maqsaty qala men onyń turǵyndary úshin jaqsylyq jasaý.