Keshe keshkisin óńir ortalyǵy men birneshe aýdanda elektr energııasy óship, jurt ábigerge túsken edi.
«KEGOK» AQ-nyń batys óńirlik fılıalynyń dırektory Konstantın Chernohaevtyń aıtýynsha, 10 qańtarda keshki mezgilde elektr jelisiniń 220 kVL-254-Oral-Inder, L-201-Atyraý-Inder jáne «Karabatan Utility Solutions» JShS-niń 2 generatory ýaqytsha isten shyǵypty.
«Sonyń saldarynan «AtyraýJaryq» AQ-nyń elektr jelisin tutynyp otyrǵan Atyraý qalasynyń sol jaǵalaýy, Jylyoı, Inder, Qyzylqoǵa, Mahambet, Qurmanǵazy jáne Maqat aýdandarynyń keı bóligi ýaqytsha elektr jelisinen ajyrap qaldy. Qazir atalǵan elektr jelilerin qalpyna keltirý jumystary shuǵyl júrgizilip, birtindep iske qosylýda» deıdi Konstantın Chernohaev.