Dámeshtiń án keshi

Jeztańdaı ánshi Dámesh Qurmankınanyń esimi oblys jurtshylyǵyna jaqsy tanys. Búginde ol Petropavl qalasyndaǵy qazaq mektep-gımnazııasy janynan ashylǵan «О́ner» ortalyǵyna jetekshilik etedi. Munda 22 ustaz ónerge yntyq 200-den astam oqýshyǵa dombyra, qobyz, gıtara, baıan, skrıpka sekildi mýzykalyq aspaptardyń, dástúrli ánderdiń, beıneleý óneriniń, ulttyq bılerdiń qyr-syryna úıretedi.

Jeztańdaı ánshi Dámesh Qurmankınanyń esimi oblys jurtshylyǵyna jaqsy tanys. Búginde ol Petropavl qalasyndaǵy qazaq mektep-gımnazııasy janynan ashylǵan «О́ner» ortalyǵyna jetekshilik etedi. Munda 22 ustaz ónerge yntyq 200-den astam oqýshyǵa dombyra, qobyz, gıtara, baıan, skrıpka sekildi mýzykalyq aspaptardyń, dástúrli ánderdiń, beıneleý óneriniń, ulttyq bılerdiń qyr-syryna úıretedi.

Jýyrda Dámesh taǵy bir ıgi bastamanyń uıytqysy boldy. Onyń usynysy qalalyq mádenıet jáne tilderdi damytý bóliminen qoldaý taýyp, «Saıra, dombyra!» atty halyq ánderi keshiniń tusaýkeseri ótti. Segiz seri, Birjan sal, Aqan seri, Úkili Ybyraı sekildi jer­gilikti án jaýharlarynyń shyǵarmashylyǵyn nasıhattaýdy dittegen shara shymyldyǵyn S. Muqanov atyndaǵy qazaq sazdy-drama teatrynyń ánshisi, respýblıkalyq termeshiler baıqaýynyń júldegeri Ken­jekeı Aqjolova ashty. Ol Syr súleıleri Nartaıdyń, Tur­­maǵambettiń termelerin óz­geshe maqammen jyrlap, teriskeı jaqqa talmaı ta­­ra­týmen keledi. Bul joly da jurt­shylyq qoshemetine bó­lendi. Sol sııaqty, Dásten Baı­­muqanov, Amangeldi Rama­zanov, Tańat Beısenbaev syndy belgili termeshiler de sahna tórine kóterilip, halyq ánderi men termelerdi naqyshyna keltire oryndap berdi. Mektep oqýshylary Dıas Serikbaı, Gúljan Sádýaqasova, Altynbek Ánýarbek, Mádıná Ǵabdýllına, Aqmereı Ádilbaeva, Qaısar Keńesov, Jandos Ahmetov, Almas Tutqyshev «Oı jaılaý», «Býryltaı», «Aqsısa», «Er­kem-aı», «Áıken-aı», «Aq erke», «Qazaq osy», «Eńbek tý­ra­ly» halyq ánderi men ter­me­lerdi áýelete shyrqap, bola­shaqtarynan úlken úmit kút­tiretinderin baıqatty.

Dámesh Saparqyzynyń aıtýynsha, aldaǵy Naýryz merekesi qarsańynda úzilińkirep qalǵan halyq ánderi men termeshiler baıqaýy qaıtadan jandanyp, ónersúıer qaýymmen qaýyshatyn bolady.

О́mir ESQALI,

«Egemen Qazaqstan».

Soltústik Qazaqstan oblysy.