Shyǵys Qazaqstan oblysynyń ákimi Berdibek Saparbaev L.N.Gýmılev atyndaǵy Eýrazııa ulttyq ýnıversıtetinde Astana qalasynda oqyp jatqan shyǵysqazaqstandyq stýdenttermen jáne sportshylarmen júzdesti.
Shyǵys Qazaqstan oblysynyń ákimi Berdibek Saparbaev L.N.Gýmılev atyndaǵy Eýrazııa ulttyq ýnıversıtetinde Astana qalasynda oqyp jatqan shyǵysqazaqstandyq stýdenttermen jáne sportshylarmen júzdesti.
Kezdesýdi Eýrazııa ulttyq ýnıversıtetiniń rektory E.Sydyqov qysqasha sóz sóılep ashty. Odan soń Berdibek Máshbekuly jınalǵandarǵa oblystyń áleýmettik-ekonomıkalyq damý qarqyny týraly baıandady. Oblys ákimi elimizdiń túkpir-túkpirinde bilim alyp jatqan jastardy jumyspen qamtýdyń basty nazarda ekenin aıtty. Osy maqsatpen «Túlek» aksııasy qolǵa alynypty.
Kezdesý barysynda oblys basshysyna birqatar tilekter de aıtyldy. Jazýshy T.Ábdiraıymov Shyǵystyń týmasy Zákı Ahmetovtyń shyǵarmalaryn baspadan shyǵarý isin qolǵa alý qajettigin aıtsa, teleradıo jáne qoǵammen baılanys kafedrasynyń dosenti M.Jaqyp Semeı qalasynyń tórine Dýlat Babataıulynyń eskertkishin ornatýdy usyndy.
B.Saparbaev bul kezdesýdiń elimizdiń ártúrli aýmaǵynda bilim alyp jatqan shyǵysqazaqstandyq stýdentterdiń hal-jaǵdaıymen tanysý, olardy týǵan ólkelerinde eńbek etýge shaqyrý maqsatynda uıymdastyrylǵanyn eske saldy. Buǵan deıin de ol Astana qalasyndaǵy Nazarbaev ýnıversıtetiniń, Almatydaǵy Qazaq ulttyq ýnıversıtetiniń stýdentterimen kezdesýler ótkizipti. Berdibek Máshbekuly Astana qalasynda oqıtyn 30 úzdik stýdentke syıaqy tabystady. Al Eýrazııa ulttyq ýnıversıtetine ákimdik atynan shaǵyn avtobýs syılady.
Kamshat JUBATHANOVA,
Eýrazııa ulttyq ýnıversıtetiniń stýdenti.