Osy jyldyń aqpan aıynda "QTJ "UK" AQ, "Quryq porty" JShS jáne "Kaspi Grain Way" JShS arasynda Quryq portynda termınal salý boıynsha yntymaqtastyq týraly kelisimge qol qoıyldy, dep habarlaıdy Egemen.kz IIDM baspasóz qyzmetine silteme jasap.
Bul Quryq portyn damytý aıasyndaǵy "QTJ "UK" AQ júzege asyryp jatqan jańa jobasy.
2022 jyly bir mezgilde 25 000 tonna dándi daqyldardy saqtaıtyn qýaty jylyna 1 mln tonnalyq termınaldy iske qosý josparlanýda.
Termınal Qazaqstan – Iran/Kavkaz óńiri elderi baǵyty boıynsha jáne odan ári úshinshi elderge astyq daqyldary eksportynyń boljamdy kólemin ulǵaıtýdy qamtamasyz etedi.
Qol qoıylǵan Kelisim kólik marshrýtynyń básekege qabilettiligin kóterýge, júk aǵyndaryn ulǵaıtýǵa, eksporttyq áleýetti arttyrýǵa jáne Quryq porty arqyly júk tasymaldaý prosesin jetildirýge yqpal etedi.