Oblys polıseıleri Kókshetaý qalasyndaǵy azyq-túlik dúkeniniń birinde esirtki saýdasymen emin-erkin aınalysyp kelgen eki satýshyny qylmys ústinde quryqtady.
Oblys polıseıleri Kókshetaý qalasyndaǵy azyq-túlik dúkeniniń birinde esirtki saýdasymen emin-erkin aınalysyp kelgen eki satýshyny qylmys ústinde quryqtady. Bul saýda orny mektep pen balabaqshanyń janynda ornalasqan.
Satýshy áıelder zamananyń julyn qurty sanalatyn esirtki zattaryn táýliktiń kez kelgen ýaqytynda saýdalaı beredi eken. Tintý barysynda esirtki dúkende ǵana emes, olardyń turǵyn úılerinen de tabyldy. Tipti, olardyń balalarynyń tóseginiń astyna tyǵylǵan kokaın tárkilenip otyr.
Jalpy, óz mindetterin basqa maqsatta paıdalanyp kelgen áıelderden 300 gramm qatty áser etetin esirtki untaǵy alyndy. Tutqyndaý barysynda olar baıbalam salyp, densaýlyqtarynyń nashar ekendigin alǵa tartqanyn da aıta ketý kerek. Al, tárkilengen álgi 300 gramyńyz «qara bazarda» 1,5 mıllıon teńge turatyn kórinedi.
Baqbergen AMALBEK,
«Egemen Qazaqstan».
Kókshetaý.