Foto: Kólik mınıstrligi
Jańa robotaksı qyzmeti bastapqy kezeńde pılottyq rejımde iske qosylady. Joba qaladaǵy naqty jaǵdaılardy eskere otyryp kezeń-kezeńimen keńeıtiledi. Sonymen qatar júıede táýlik boıy dıspetcherlik baılanys jáne saparlardy saqtandyrý qarastyrylǵan.
Pılotsyz kólik jasandy ıntellektke negizdelgen avtonomdy basqarý júıesimen jabdyqtalǵan. Ol jol jaǵdaıyn úzdiksiz baqylap, qaýipsiz áreket etý ssenarıılerin qoldanady.
Búginde elimizde robotaksılerdi zańdastyrý boıynsha jumystar júrgizilip jatyr. Kólik mınıstrligi pılotsyz kólikterdi paıdalaný erejelerin aıqyndaıtyn túzetýler ázirlep jatqandyǵyn málimdedi.
Robotaksı jobalary úshin Almaty men Astana qalalary negizgi synaq alańdary retinde qarastyrylyp otyr.
Eske sala keteıik, buǵan deıin Almaty aspanynda aerotaksıler synaqtap ótip jatqandyǵyn jazǵan bolatynbyz. Budan bólek, endi elimizden Tokıo men Nıý-Iorkke jańa reıster qatynamaq.
