Oqıǵa kezinde qyz ımamnyń kabınette joq ekenin paıdalanyp, esh kedergisiz ishke kirgen. Aqshany alǵan soń ol oqıǵa ornynan tez arada ketip qalǵan. Alaıda onyń áreketi beınebaqylaý kameralaryna túsip qalǵandyqtan, polısııa qyzmetkerleri kúdiktini kóp uzamaı anyqtady.
Sot otyrysynda aıyptalýshy óz kinásin tolyq moıyndap, jasaǵan isine ókinetinin aıtty.
Imam adamgershilik tanytyp, boıjetkendi keshirgen. Sonymen qatar ol sottan qyzdy bas bostandyǵynan aıyrmaýdy suraǵan.
Astanada meshitte namaz oqyp turǵan er adamnyń telefony urlandy
Úkim shyǵarý kezinde sot jábirlenýshiniń ustanymyn, aıyptalýshynyń buryn sottalmaǵanyn, qylmysty alǵash ret jasaǵanyn jáne kishkentaı balany jalǵyz tárbıelep otyrǵanyn eskerdi.
Nátıjesinde meshitte urlyq jasaǵany úshin boıjetkenge 1,5 jyl shartty jaza taǵaıyndaldy.
Sonymen birge sot ony jábirlenýshilerge ótemaqy qoryna mindetti tólem retinde shamamen 65 myń teńge tóleýdi mindettedi. Bul soma urlanǵan aqshanyń kóleminen eki esege deıin kóp.
