Negizsiz tekserýdiń joly kesiledi

Astanada Bas prokýror Ashat Daýylbaev pen Ulttyq kásipkerler palatasy tóralqasynyń tóraǵasy Tımýr Qulybaev ózara yntymaqtastyq jónindegi memorandýmǵa qol qoıdy.

Astanada Bas prokýror Ashat Daýylbaev pen Ulttyq kásipkerler palatasy tóralqasynyń tóraǵasy Tımýr Qulybaev ózara yntymaqtastyq jónindegi memorandýmǵa qol qoıdy.

Memorandýmǵa qol qoıýdyń mańyz­dylyǵyn aıta otyryp, Ashat Daýylbaev Bas prokýratýra men Ulttyq kásipkerler palatasynyń ózara belsendi áreketi Memleket basshysynyń «Qazaqstan-2050» Strategııasyndaǵy kásipkerlerdi jan-jaqty qoldaý jónindegi min­detterdi oıdaǵydaı iske asy­­rýǵa se­bepshi bolýǵa baǵyt­talǵandyǵyn atap ótti.

Bas prokýror kásipkerlerdi qor­ǵaý prokýrorlardyń qyzme­tin­degi basym baǵyt bolyp ta­by­latyndyǵyn atap kórsetti. Bul tur­ǵyda bıznes pen memlekettiń ózara áreketin odan ári jan­dandyrý, bıznesti damytýǵa ákim­shilik kedergilerdi tómendetý, kásip­kerlerdi zańsyz tekserýlerden qorǵaý boıynsha nátıjeli ju­mys júrgizildi.

Qabyldanǵan sharalardyń ar­qasynda tekserýlerdiń shynaıy esebin jolǵa qoıý múmkindigi paıda boldy. Kásipkerlerdiń qyz­metine aralasý faktileriniń jolyn kesý úshin Bas prokýratýranyń bas­ta­masy boıynsha tekserýlerdi josparlaý men júzege asyrý júıesi reformalandy. Bar­lyq deńgeıdegi prokýratýralardyń ja­nyn­da qurylǵan mobıldik top­tar tekserýshilerdiń zańsyz áreketteriniń jolyn kesýge baǵ­dar­lanǵan.

Atap aıtqanda, 2013 jyly pro­ký­ror­lyq tekserýlerdiń nátı­jesinde bıznesti qorǵaý sala­synda 11 myńnan astam zań buzý­shy­lyq­tar anyqtaldy. 2,5 myńnan as­tam bıznes sýbektilerin negizsiz tekserýdiń joly kesildi. Ká­sip­kerlerdiń quqyqtaryna qatys­ty 997 zańsyz aktiler ózger­tildi jáne joıyldy. 13 myń­nan astam kásipkerlerdiń quqyq­tary qorǵaldy. Túrli jaýap­ker­­shi­lik­terge 1220 tulǵa tartyldy. Nátı­jesinde zańsyz josparlanǵan tekserýlerdiń sany byltyrǵymen salys­tyrǵanda 10 esege tómendedi.

Taraptar atqarylyp jatqan jumystyń tıimdiligin arttyrý boı­ynsha birlesken usy­nys­tar­dy júzege asyrý úshin ózara áre­kettesýdiń túrli nysanda­ryn paıdalaný, aqparatpen tu­raq­ty almasý, aýmaqtyq proký­ra­týralardyń jergilikti bıznes-qaýymdastyqpen ózara belsendi árekettesýin qam­ta­masyz etý jóninde kelisti.

«Egemen-aqparat».