Koreı Halyqtyq Demokratııalyq Respýblıkasnyń basshysy Kım Chen Yn armııany barynsha joǵary daıyndyq sapyna kelýge shaqyrdy. Bul týraly ońtústikkoreıalyq «Renhap» agenttiginiń deregine silteme jasaǵan Lenta.ru habarlady.
Kım Chen Ynnyń 24 jeltoqsanda Nampho qalasyndaǵy Koreıa halyq armııasy 526-bólimine kelgen kezinde soǵystyń eskertýsiz bastalyp ketý múmkindigin aıtqan. «Osyǵan baılanysty, armııa jaýyngerlik daıyndyq sapyna barynsha jyldam kóshýi tıis», – dedi ol.
Kım Chen Yn bul sapardy óz ákesi Kım Chen Irdiń Koreı halyq armııasynyń qolbasshysy atanýynyń kezekti jyldyǵyna oraı bastady. Bul oqıǵa 1991 jylǵy 24 jeltoqsanda bolǵan edi. Eldiń basshysyn alyp júrgenderdiń qatarynda KHDR armııasy saıası bıýrosynyń basshysy Chhve Pen He de boldy. Agenttiktiń baıandaýynsha, Kım Chen Yn óz jezdesi Chan Son Thekti attyryp jibergennen keıin, eldegi ekinshi tulǵa róli qazir tap osy Chhve Pen Hege berilgen sııaqty.
Eldegi ekinshi adam sanalyp kelgen Chan Son Thektiń óltirilgeni 13 jeltoqsan kúni belgili boldy. Oǵan «qııalǵa berilip, qylmystyq isterge uryndy» degen aıyp taǵyldy.
Osylaısha kútpegen jerden soǵystyń tutanyp ketýi týraly dabyl KHDR armııasyn qazir tabanynan tik turǵyzyp jatyr. Sonymen birge, bıylǵy 20 jeltoqsan kúni Soltústiktiń Ońtústikke kez kelgen ýaqytta, aldyn ala eskertý jasamastan, «aıaýsyz soqqy» berip qalýy múmkin ekeni jazylǵan faks jóneltkeni belgili bolyp otyr.
Aıdar О́risbaev.
Derekkóz: Lenta.ru
Foto: Itar-tass.com