«Qyzyl aımaq» kóbeıip tur

Búginde Nur-Sultan qala­symen qatar Almaty qalasy jáne Atyraý, Batys Qazaqstan jáne Qaraǵandy oblystary «qyzyl aımaq» qatarynda tur. Al «sary aımaqta» Shymkent qalasy jáne Qostanaı, Mań­ǵystaý oblystary bar. Qalǵan óńirler – «jasyl aımaqta».О́tken aptada korona­vı­rýs­tyń jańa shtamy – «úndi» shtamynyń anyqtalýyna baılanysty elordada karantın talaptaryn qataıtý týraly sheshimder qabyldanǵan. On­syz da qansha ýaqyttan beri «qyzyldyń» qursaýynda tur­ǵan Nur-Sultan qalasyna saq­tyq sharalaryn kúsheıtpese bolmaıdy. Al jaqynda ǵana «qyzyl aımaqqa» qosylǵan tórt óńirde de shekteý talaptary qaıta qarastyrylyp, sol aımaqtardaǵy Bas memleket­tik sanıtarlyq dárigerlerdiń qaýlysyna ózgerister engizildi.Jalpy karantın talap­taryn qansha jerden kúsheıt­kenmen, indetke toıtarys berý­diń basty «qarýy» vaksınalaý ekeni túsinikti. Degenmen qa­zirgi shyrǵalań shaqtaǵy osy mańyzdy is-sharanyń ilge­rileýi oıdaǵydaı bolmaı tur. Sondyqtan óńirlerde vak­sınalaýdyń qarqynyn art­tyrýǵa barynsha kúsh saly­nyp jatyr. Bul rette, ál­bette, halyqtyń vaksınany erik­ti túrde qabyldaý quqy saq­talady. Tek kópshilik vaksınalaýdy óziniń ǵana emes, aınalasyndaǵylardyń da aman­dyǵy úshin qajet ekenin ári qa­lypty tirshilikke oralýdyń jo­ly ekenin túsiný kerek. 27 maýsymdaǵy málimet boıynsha elimizde birinshi komponent­pen 3 130 095 adam, ekinshi kom­po­nentpen 1 891 022 adam vaksı­na saldyrdy.Qazaqstan vaksınalaý­ kólemi boıynsha álemde 42-­oryndy aldy. Our World in data onlaın-basylymy jasa­ǵan reıtıngte Qazaqstanda ár­bir onynshy azamat vaksına alǵany kórsetilgen. Jalpy munda bizdiń elde 1,79 mln adam vaksınalanyp, bul halyqtyń 9,4%-dy quraıtyny aıtylǵan. Al atalǵan reıtıngte kósh bastaǵan Qytaıda 223 mln adam vaksına saldyrǵan, biraq bul halyqtyń tek 15%-y ǵana eken.