Shýche qalasynda Býrabaı aýdanaralyq Ulttyq qaýipsizdik komıteti departamentiniń jańa ǵımaraty paıdalanýǵa berildi. Nebári jarty jylda qatarǵa qosylǵan qos qabatty keńsede jumys tıimdiligin arttyrýǵa baǵyttalǵan barlyq jaǵdaılar qarastyrylǵan.
Shýche qalasynda Býrabaı aýdanaralyq Ulttyq qaýipsizdik komıteti departamentiniń jańa ǵımaraty paıdalanýǵa berildi. Nebári jarty jylda qatarǵa qosylǵan qos qabatty keńsede jumys tıimdiligin arttyrýǵa baǵyttalǵan barlyq jaǵdaılar qarastyrylǵan.
Saltanatty sharaǵa Ulttyq qaýipsizdik komıtetiniń tóraǵasy Nurtaı Ábiqaev pen Aqmola oblysynyń ákimi Qosman Aıtmuhametov qatysyp, sáýletti úıdiń jibek baýyn kesti. Qyzmet bólmelerin aralap kórgen UQK tóraǵasy oblys quqyq qorǵaý organdary basshylarymen, irgeles aýdan ákimderimen, mekeme basshylarymen májilis ótkizdi. Onda óńir basshysy sóz sóılep, Ulttyq qaýipsizdik komıteti Aqmola oblysy boıynsha departamentiniń bastyǵy Dáýlet Qystalasov, oblys prokýrory Muratbek Isadılov, Ulttyq qaýipsizdik komıteti Býrabaı aýdanaralyq departamentiniń bastyǵy Asqar Aıtbaev óńirdegi operatıvti jaǵdaı týraly baıandady.
– Bul – ýaqyt talabyna saı jabdyqtalǵan aýdanaralyq deńgeıdegi biregeı ǵımarat, – dedi Ulttyq qaýipsizdik komıtetiniń tóraǵasy Nurtaı Ábiqaev. – Býrabaı – Memleket basshysy Nursultan Nazarbaevtyń aıryqsha nazaryndaǵy jaýHar ólke. Munda týrızm ındýstrııasymen qatar, el mereıin kóterer halyqaralyq qarym-qatynastardy nyǵaıtýǵa baǵyttalǵan sharalar aýqymy keń. Sondyqtan, ulttyq qaýipsizdik máselelerine erekshe nazar aýdarylady. Jumys barlyq baǵytta júrgizilýi tıis. Búgingi sharamyz tıimdilikti arttyrýǵa septigin tıgizedi dep bilemin.
Baqbergen AMALBEK,
«Egemen Qazaqstan».
Aqmola oblysy.