BEI-BEREKET TARATYLǴAN JER MÁSELESI TIIаNAQTALDY

Bir kezderi Almaty oblysy men Almaty qalasy mańyndaǵy jer telimderiniń zańsyz úlestirilgeni anyqtalyp, osyǵan oraı Elbasy tıisti mekemelerge erekshe tapsyrma bergen bolatyn. Bul másele boıynsha Úkimet basshysy ókimimen qurylǵan – quramyna Bas prokýratýra, Qarjy polısııasy jáne atqarýshy bılik organdary ókilderi kirgen jumys komıssııasy keshendi tekserister júrgizip, birshama zańsyzdyqtarǵa jol berilgeni anyqtalǵan bolatyn. Al osy ózekti máseleniń búgingi tańdaǵy jaǵdaıyn tııa­naqtaý maqsatynda Almaty qalasy jáne Almaty oblysy óńiraralyq jer ınspek­sııasynda Jer resýrs­taryn basqarý agenttiginiń tóraǵasy О́mirzaq О́zi­bekovtiń qatysýymen keńeıtilgen keńes bolyp ótti. Basqosýda qala mańyndaǵy jer telimderin zańsyz ıelenýdiń mán-jaıy, qala irgesindegi aýyl­sharýa­shylyq maqsatqa arnalǵan jerlerdi ózge qury­lystarǵa paıdalaný jóninde jáne memleket basshysynyń arnaıy “Almaty oblysy men Almaty qalasy aýmaǵyndaǵy erekshe qorǵaýǵa alynǵan tabıǵaty ásem aýdandaryn paıdalanýdy retteý týraly” jeke tapsyrmasynyń oryndalý barysy jóninde talqylaý bolyp, jaýapty mekeme basshylary esep berdi. Almaty qalasy jáne oblysy óńiraralyq jer ınspeksııasynyń bastyǵy Ábdiǵalı Begmanovtyń aıtýy boıynsha, jerdi zańsyz basyp alýǵa kóbine Almaty qalasyndaǵy jańadan qurylǵan Alataý aýdanynda jol berilgen. Tekserý barysynda 2008 jyly zańǵa qaıshy áreket jasaǵan 313 jeke tulǵa ákimshilik jazaǵa tartylyp, olarǵa 4,8 mln. teńge kóleminde aıyppul salyndy. Aýdandaǵy quzyrly mekemelerden jáne jer ınspeksııasynyń ókilderinen qurylǵan komıssııa músheleri zańsyz qorshaýǵa alyn­ǵan jer telimderin jáne boı kótergen turǵyn úılerdi esepke alǵanda óz betimen zańsyz salynǵan 4523 qurylys nysandary anyqtalǵan. Sondaı-aq anyqtaý kezinde jer telimderine jergilikti atqarýshy bıliktiń jalǵan sheshimderin qoldan jasaý arqyly qarapaıym halyqtyń senimine kirip paıda taýyp júrgen alaıaqtar da belgili bolyp, olardyń ústinen qylmystyq is qozǵalǵan. 2009 jyly jer telimderin tekserý qory­tyn­dysynda atalǵan aýdan boıynsha 4237 ákimshilik is qozǵalyp, zańǵa qaıshy áreket jasaǵandarǵa 79,9 mln. teńge aıyppul salynǵan. О́ńiraralyq jer ıns­peksııasy men jergilikti atqarýshy bılik ókil­deriniń birlesken tekserýleri 2010 jyly da nátıjeli aıaqta­lyp, birinshi toqsanda zańdy belinen basqan 87 jeke tulǵa ústinen ákimshilik is qozǵalyp, olardan 6,1 mln. teńge aıyppul óndirilgen. Mundaı is-sharalar Túr­kisib aýdanyndaǵy “Baqaı” shaǵyn aýdanynda da júze­ge asyrylyp, búgingi kúni 317 ákimshilik quqyq buzýshylyq anyqtalǵan. Sonymen qatar, óńiraralyq jer ınspeksııasynyń basshysy ásirese 2005-2008 jyldary jer telimderiniń beı-bereket saýdaǵa salynǵanyn tilge tıek etti. Qoldanystaǵy jer zańnamasy talaptaryn saqtamaý saldarynan jergilikti atqarýshy organdar Medeý, Ile Alataýy ulttyq parki erekshe qorǵalatyn aımaq­tarynda jáne Almaty qalasynyń tóńireginde ornalas­qan birneshe jer telimderin zańdardy buza otyryp, zańdy tulǵalar men jeke azamattarǵa qurylys nysan­daryn salý úshin berip jibergen. Osyǵan oraı byltyr­ǵy shilde aıynda qoldanystaǵy zańdarǵa ondaı zań buzýshylyqty boldyrmaý maqsatynda birshama ózgeris­ter de engizildi. Búgingi kúni Almaty qalasynyń mańyn­da ornalasqan jerlerdiń tabys etilýin retke keltirý, olardyń paıdalanylýyn jer zańnamasy talaptaryna sáıkestendirý maqsatynda qala quryly­syn josparlaýdyń keshendi jobasy daıyndalyp, Úkimettiń bekitýine jiberilgendigi baıandaldy. Beı-bereket taratylǵan jer máselesi tııanaq­tal­ǵan basqosýda Jer resýrstaryn basqarý agentti­giniń tóraǵasy О́mirzaq О́zibekov keńeste sóz bolǵan másele­lerdi qorytyndylap, jer máselesi Elbasynyń nazarynda eken­digin, sondyqtan aldaǵy ýaqytta bul kúrdeli másele­ler boıynsha jan-jaqty jumystar júrgiziletinin aıtty. Danııar BERIKULY.  ALMATY.