Búginde Syr aımaǵynda bastalǵan “Batys Eýropa-Batys Qytaı” kúrejol qurylysy qarqyn ala bastady. Oblys aýmaǵynda 817 shaqyrym joldy qamtıtyn qurylysqa qajetti materıaldar – qıyrshyqtas jáne shaǵyrtas óndirý shuǵyl qolǵa alynýda. Kúni keshe Shıeli aýdanyna qarasty Qarataý bókterinde aımaqtyń basty qazynasynyń biri – qıyrshyqtas óndiretin zaýyt iske qosyldy.
“Kazvernal” JShS negizinde jumys isteıtin túrkııalyq mamandar jańa tehnıkalardy óndiris alańyna ákelip te úlgiripti. Qarataý bókterinde qulshyna iske qosylǵan ekskavatorlar Japonııadan, al júk kótergishter AQSh-tan ákelingen. Sondaı-aq, Gollandııadan alynǵan alyp tehnıkalar da tas óndirý jumystaryna jumyla kirisip ketken. Zaýyt jumysy búgingi kún talabyna saı kompıýter arqyly basqarylyp, táýligine 5 myń tonna kóleminde qıyrshyqtas óndirilip, óńdelýde eken.
Zaýytta jumys isteıtin jumysshy-mehanızatorlarǵa barlyq jaǵdaı jasalǵan. Olarǵa jataqhana, ashana, sport alańy, taǵy basqa mádenı oryndar qaltqysyz qyzmet kórsetýde.
Zaýyttyń ashylý saltanatyna nysannyń bas quryltaıshysy, esimi elimizge tanymal sportshy Dáýlet Turlyhanov sonaý Astanadan atbasyn buryp keldi.
– Aldaǵy ýaqytta, bul zaýytta 150 adam jumys isteıtin bolady. Demek, jergilikti turǵyndardy jumysqa tartýǵa umtylys jasalmaq. Tek aıtarym, olar zamanaýı jańa tehnıkalardyń tilin meńgerýleri, ıaǵnı oqyp, úırenýge bel sheshe kirisýleri qajet, – deıdi D.Turlyhanov.
Qıyrshyqtas zaýytynyń ashylý rásimine Kólik jáne kommýnıkasııa mınıstrligi Avtomobıl joldary komıtetiniń tóraǵasy Zamır Saǵynov, oblys ákiminiń orynbasary Madııar Aldońǵarov qatysty.
Erkin ÁBIL, QYZYLORDA.