Qaraǵandy oblysynda polıseıler úsh adamdy óltirgen kúdiktini «izin sýytpaı» qolǵa túsirdi. Qaskúnem mundaı áreketke úı ıesimen janjaldasyp qalǵan soń barǵanyn moıyndady, dep habarlaıdy Egemen.kz.
13 tamyz kúni saǵat 15:40 shamasynda Qaraǵandy oblysy, Shet aýdany Aǵadyr kentindegi jeke úılerdiń birinen denelerinde pyshaq jaraqattary bar 58 jastaǵy úı ıesimen onyń 59 jastaǵy joldasy jáne 21 jastaǵy qyzynyń máıitteri tabyldy.
Oqıǵa orynyna Qaraǵandy oblystyq Polısııa departamenti bastyǵynyń orynbasary Ernat Qalıaqparov bastaǵan jedel tergeý toby jáne oblystyq prokýratýranyń qyzmetkerleri shyqty.
«Jedel izdestirý is-sharalary barysynda polısııa qyzmekterleri osy iske qatysy bar degen kúdikpen 33 jastaǵy adamdy «izin sýytpaı» ustady. Ol aradaǵy sózge kelispeýshilik barysynda jábirlenýshilerge pyshaq jaraqatyn salǵanyn moıyndady», dep málimdedi Qaraǵandy oblystyq PD baspasóz qyzmetindegiler. Kúdikti ýaqytsha ustaý ızolıatoryna qamaldy.
Atalǵan fakti boıynsha Qazaqstan Respýblıkasy Qylmystyq Kodeksiniń 99 baby boıynsha qylmystyq is qozǵaldy. Tıisti saraptamalar taǵaıyndalyp, tergeý amaldary júrgizilýde.