QR Aqparat jáne qoǵamdyq damý mınıstrligi Etnosaralyq qatynastardy damytý komıtetiniń ókilderi «Thembekile Mandela Foundation» qorynyń prezıdenti Ndıleka Mandela hanymmen kezdesý uıymdastyrdy, dep jazady Egemen.kz.
Nelson Mandelanyń nemeresi QR Tuńǵysh Prezıdenti Qorynyń shaqyrtýymen elge resmı saparmen keldi.
Kezdesýge Qoldanbaly etnosaıası zertteýler ınstıtýty, «Qazaqstan-OAR» Halyqaralyq Qorynyń basshylyǵy, Qazaqstan halqy assambleıasy keńesiniń músheleri men Nur-Sýltan qalasy ákimdiginiń ókilderi shaqyryldy.
Kezdesý barysynda Tuńǵysh Prezıdent – Elbasy N.Nazarbaevtyń beıbitshilik pen kelisimdi nyǵaıtý jónindegi bastamalary, Qazaqstan halqy Assambleıasynyń qyzmeti jáne ony odan ári damytý, etnosaralyq qatynastar salasyndaǵy ózekti ǵylymı zertteýler men yntymaqtastyqty damytý máseleleri talqylandy.
Sondaı-aq, kezdesýge 2021 jyly OAR-daǵy Qazaqstan elshiligi shyǵarǵan kórnekti oıshyl Ábý-Nasyr Ál-Farabıdiń ómiri men shyǵarmashylyǵy týraly «Treatise on the need to strive for an excellent state» kitabynyń tusaýkeseri ótti jáne Nur-Sultan qalasynyndaǵy Dostyq úıiniń qyzmetimen tanystyrý uıymdastyryldy.