AQSh áskeri shyǵarylǵannan keıin Talıban Aýǵanstannyń tolyq táýelsizdigin jarııalady, dep habarlaıdy Egemen.kz.
«Talıban» radıkaldy qozǵalysynyń ókili (Qazaqstan men basqa elderdiń aýmaǵynda tyıym salynǵan uıym) Zabıýlla Mýjahıd amerıkalyq áskerlerdi shyǵarý aıaqtalǵannan keıin Aýǵanstan tolyq táýelsizdikke qol jetkizdi dep málimdedi.
Sońǵy amerıkalyq sarbazdar búgin aýǵan ýaqytymen tún ortasynda Kabýl áýejaıynan shyqty. Osylaısha bizdiń el aqyrynda bostandyq alyp, tolyq táýelsizdikke qol jetkizdi, dep jazdy Zabıýlla Mýjahıd Twitter-de.
Buǵan deıin AQSh Qorǵanys mınıstrliginiń ókili general Makkenzı Aýǵanstannan amerıkalyq áskerlerdi shyǵarý aıaqtalǵanyn jáne AQSh-tyń eldegi áskerı mıssııasy aıaqtalǵanyn habarlaǵan bolatyn.