QR Prezıdenti Qasym-Jomart Toqaev Qazaqstan halqyna Joldaýynda grant merziminiń úsh jylmen shektelýi irgeli ǵylymdy damytýǵa edáýir kedergi keltirip otyrǵanyn aıtty, dep jazady Egemen.kz.
«Grant merziminiń úsh jylmen shektelýi irgeli ǵylymdy damytýǵa edáýir kedergi keltirip otyr. Osyndaı qysqa josparlaý merziminde qandaı da bir nátıjege qol jetkizýdiń ózi qıyn ekeni anyq. Ǵylym salasyn granttyq qarjylandyrý merzimin bes jylǵa deıin uzartý máselesin qarastyrǵan jón», dedi Prezıdent.
Memleket basshysynyń aıtýynsha, ulttyq ǵylymı keńes sheshimderiniń ádildigi týraly másele de kún tártibinen túspeı tur.
«Osyǵan oraı, apellıasııa ınstıtýtyn engizý qajet dep sanaımyn. Jalpy, elimizdiń bilim berý jáne ǵylym salasynyń aldynda kezek kúttirmes aýqymdy mindet tur. Bul – ýaqyt talabyna saı bolýmen qatar, árqashan bir adym alda júrip, tyń jańalyqtar usyna bilý degen sóz», dep tolyqtyrdy Q.Toqaev.