Burynǵy «Aqtóbeaýylmash» zaýytynyń aýmaǵynda jergilikti kásipker aýyl sharýashylyǵyna qajetti tyrma men tuqymsepkish shyǵarady eken degendi estigende kim boldy eken dep eleńdep qalǵanymyz ras. Shyny kerek, qala joldaryn salýda, basqa da óndiristi iske qosýda ózindik qoltańbasy qalyptasqan «KTP» JShS ekenin estigende kádimgideı súısinip qaldyq. Qandaı sharýany qolǵa alsa da aıaǵyna jetkizetin seriktestiktiń taǵy bir tyń istiń tizginin ustaǵany qýantty. Onyń ústine bul aýylsharýashylyq quraldary anaǵurlym jetildirilgen jáne ylǵal saqtaýdyń osy zamanǵy ozyq tehnologııalaryna tolyq jaýap beredi dep kútilýde.
Burynǵy «Aqtóbeaýylmash» zaýytynyń aýmaǵynda jergilikti kásipker aýyl sharýashylyǵyna qajetti tyrma men tuqymsepkish shyǵarady eken degendi estigende kim boldy eken dep eleńdep qalǵanymyz ras. Shyny kerek, qala joldaryn salýda, basqa da óndiristi iske qosýda ózindik qoltańbasy qalyptasqan «KTP» JShS ekenin estigende kádimgideı súısinip qaldyq. Qandaı sharýany qolǵa alsa da aıaǵyna jetkizetin seriktestiktiń taǵy bir tyń istiń tizginin ustaǵany qýantty. Onyń ústine bul aýylsharýashylyq quraldary anaǵurlym jetildirilgen jáne ylǵal saqtaýdyń osy zamanǵy ozyq tehnologııalaryna tolyq jaýap beredi dep kútilýde.
Qazir seriktestik basshylary naqty ótkizý rynogyn zertteýde, sony esepke alyp qana sehty modernızasııalaýdyń ınvestısııalyq saıasaty naqty anyqtalatyn bolady. Seriktestiktiń ózderinde tuqymsepkish agregattardy tolyq jınaý sıklyna kóshý mamandardyń esepteýinshe, ónimniń ózindik qunyn anaǵurlym kemitedi dep kútilýde.
Jergilikti eginshilerdiń tıimdi baǵaǵa tyrmalar men tuqymsepkishterdi satyp alýy óte-móte mańyzdy. О́tken jyly oblys qosymsha 12 tyrma satyp alýǵa tapsyrys beripti. Al, eger tuqymsepkish kesheni jergilikti jerde oryndalǵannyń ózinde óte qymbat – 5800 myń teńge turady. Jobanyń bastamashysy kásipker Vsevolod Shegelskıı suranysqa ıe aýyl- sharýashylyq agregatyn ózderinde tolyq jınaýdy uıymdastyrýdyń jańa jobasyn jasap otyrǵandaryn jetkizdi. Qazir óndiriste 45 maman jumys isteıdi, eger bolashaqta qosymsha ınvestısııa tartylyp jatsa, onda óndiriste 100-ge jýyq adam eńbek etetin bolady.
Satybaldy SÁÝIRBAI,
«Egemen Qazaqstan».
Aqtóbe oblysy.