Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Grýzııanyń Qazaqstandaǵy elshisi Zýrab Pataradzeni qabyldady, dep habarlady Senattyń baspasóz qyzmeti.
Qazaqstan Respýblıkasy Parlamenti Senatynyń Tóraǵasy Qasym-Jomart Toqaev Grýzııanyń Qazaqstandaǵy elshisi Zýrab Pataradzeni qabyldady, dep habarlady Senattyń baspasóz qyzmeti.
Elshi Senat Tóraǵasyn Grýzııadaǵy ishki saıası jáne áleýmettik-ekonomıkalyq damý, sondaı-aq, Qazaqstanmen birlesken ınvestısııalyq jobalardy iske asyrý týraly habardar etti.
Ekijaqty qatynastardyń dostyq sıpaty jáne keleshegi zor ekenin atap óte kelip, Q.Toqaev grýzın parlamentshilerine elimizdiń qazirgi damýy barysymen tanysý úshin Qazaqstanǵa kelýge shaqyrýyn joldady. Senat Tóraǵasy grýzın dıplomatyn Prezıdent N.Nazarbaevtyń taıaýda jarııa etken Joldaýynyń negizgi erejeleri týraly habardar etti.
Sol kúni Q.Toqaev BUU-nyń Rezıdent-úılestirýshisi, BUU Damý baǵdarlamasynyń Qazaqstandaǵy Turaqty ókili Stıven Týllmen de kezdesti. Júzdesýshiler Qazaqstan men Birikken Ulttar Uıymynyń ózara is-qımylynyń ózekti máselelerin talqylady. S.Týll Senat Tóraǵasyna BUU Damý baǵdarlamasynyń bizdiń elimizdegi qyzmeti týraly aıtyp berdi. Q.Toqaev Qazaqstannyń ámbebap ári balamasyz uıym bolyp tabylatyn BUU-men ózara is-qımylynyń basym sıpatyn atap ótti.