Elordada Ishki ister mınıstri Qalmuhanbet Qasymovtyń tóraǵalyq etýimen Ishki áskerlerdiń áskerı keńesi bolyp ótti. Oǵan Parlament Májilisiniń depýtattary, kúsh qurylymdarynyń basshylary, áskerı quramalar men bólimderdiń komandırleri qatysty.
Elordada Ishki ister mınıstri Qalmuhanbet Qasymovtyń tóraǵalyq etýimen Ishki áskerlerdiń áskerı keńesi bolyp ótti. Oǵan Parlament Májilisiniń depýtattary, kúsh qurylymdarynyń basshylary, áskerı quramalar men bólimderdiń komandırleri qatysty.
Keńes otyrysynda ofıserler «Qazaqstan-2050» Strategııasyna sáıkes ázirlengen 2014-2016 jyldarǵa arnalǵan Ishki áskerdi damytý baǵdarlamasynyń negizgi erejelerin talqylady. Bul jóninde IIM Ishki áskerdiń bas qolbasshysy Rýslan Jaqsylyqov baıandap berdi. Onyń aıtýynsha, ótken jyly áskerler úsh deńgeıli júıege kóshirildi, bul basqarýdyń tıimdiligin arttyrady. Búginde áskerdiń aldynda jańa mindetter tur. Eń bastysy – Ishki ister mınıstrligimen jáne basqa kúsh qurylymdarymen birtutas avtomattandyrylǵan «Maqsat» basqarý júıesin damytý.
Aldaǵy ýaqytta ishki áskerdi tehnıkamen jabdyqtaýdy arttyrý jáne tyl júıelerin jetildirýdi qamtamasyz etý máseleleri de kún tártibine qoıylyp otyr. Ásirese, jeke quramdy oqytýdy jaqsartýǵa, áskerılerdi jedel is-qımyl jasaýǵa, sondaı-aq, olardy jumyldyrý daıyndyqtarynan ótkizýge basa nazar aýdarylyp keledi.
Jaqynda barlyq óńirlerden kelgen ofıserlerge nusqaý berý sabaqtary ótkizildi, olardan áskerı, komandırlik jáne kásibı laýazymdyq qyzmetterine daıyndyqtary jóninde synaq alyndy. Sonymen qatar, jıynda 2013 jyly ótkizilgen áskerı qyzmettiń jáne áskerı baıqaý-jarystardyń qorytyndysy shyǵaryldy.
Al Memleket basshysy Joldaýynda Ishki ister mınıstrine, Ishki áskerdiń qolbasshylyǵyna kezekti kezeńge arnalǵan jańa mindetter júktedi. Aıta keteıik, 2014 jyl ishki ásker úshin «Patrıotızm men kásibılik – úzdik qyzmettiń negizi» degen uranmen ótetin bolady.
Álısultan QULANBAI,
«Egemen Qazaqstan».