Astanada ekologııalyq polısııa, Tabıǵı resýrstar jáne tabıǵatty paıdalanýdy retteý basqarmasynyń, sanıtarlyq-epıdemıologııalyq qyzmetiniń ókilderinen qurylǵan komıssııa Almaty aýdany aýmaǵyndaǵy kásiporyndardyń tazalyq máselesine baılanysty arnaıy reıd ótkizdi. Shara barysynda kásiporyndarda abattandyrý erejeleri, sanıtarlyq jaǵdaıy, qoqys jınaýdy uıymdastyrý jáne qala aýmaǵynda tazalyqty qamtamasyz etýi tekserildi.
Astanada ekologııalyq polısııa, Tabıǵı resýrstar jáne tabıǵatty paıdalanýdy retteý basqarmasynyń, sanıtarlyq-epıdemıologııalyq qyzmetiniń ókilderinen qurylǵan komıssııa Almaty aýdany aýmaǵyndaǵy kásiporyndardyń tazalyq máselesine baılanysty arnaıy reıd ótkizdi. Shara barysynda kásiporyndarda abattandyrý erejeleri, sanıtarlyq jaǵdaıy, qoqys jınaýdy uıymdastyrý jáne qala aýmaǵynda tazalyqty qamtamasyz etýi tekserildi.
«Ekologııalyq polısııamen birlesken tekserý barysynda zańdy tulǵalarmen kommýnaldyq qaldyqtar men kúl-qoqysty shyǵarý týraly kelisimder jasaý máselesi qaraldy. Kelisim bolmaǵan jaǵdaıda atalǵan tulǵalarǵa qatysty ákimshilik sharalar qoldanylady», dedi qalalyq Tabıǵı resýrstar jáne tabıǵatty paıdalanýdy retteý basqarmasynyń qaldyqtardy basqarý bóliminiń bas mamany Shyńǵys Kárimov.
Shara barysynda qatty turmystyq qaldyqtar men kúl-qoqystardy shyǵarýǵa kelisim jasasýdan bas tartyp otyrǵan 10 jeke kásipkerlik nysan tekserildi. Atap aıtqanda, olardyń qatarynda dúkender, TQS, dámhanalar, kólik jýý oryndary men monshalar bar.
«Bizdiń uıym Jumabaev kóshesi, B.Momyshuly jáne Abylaı han dańǵyldarynyń boıynda qatty turmystyq qaldyqtardy shyǵarýmen aınalysady. Qazirgi kezde jeke jáne zańdy tulǵalarmen kelisimder jasasý máselesine májbúr bolyp otyrmyz. О́z kezeginde, biz qaldyqtardy óndiriske jiberip, tehnıkany jańartýǵa tyrysamyz. Biraq boryshkerlerimiz de bar. Basqa kommýnaldyq kásiporyndar sekildi sýdy, elektr qýatyn óshirip tastaı almaımyz. Qoqys shyǵarýdy da toqtatyp qoıýǵa bolmaıdy. Bul qalanyń ekologııalyq jaǵdaıyna zııan keltiredi. Sondyqtan eskertý sharalary ǵana qoldanylady», dedi «Taza Álem-Astana» JShS dırektorynyń orynbasary Dýslan Ahmetov osy sharaǵa baılanysty ótken saparda.
Tabıǵı resýrstar jáne tabıǵatty paıdalanýdy retteý basqarmasynyń habarlaýynsha, kásiporyndar men mekemeler (menshik formasyna jáne qyzmet túrlerine qaramastan), sondaı-aq, qala aýmaǵynda jumys isteıtin jeke tulǵalar merdigerlik qoqys shyǵarý kásiporyndarymen kommýnaldyq qaldyqtardy shyǵarýǵa kelisimder jasasýy tıis. Iri kólemdegi qoqystardy olar ózderi shyǵarady nemese tıisti kelisimniń negizinde qoqys shyǵaratyn kásiporyndarǵa tapsyrýy qajet.
Nııaz JYLQYBAEV.