Búgin keshke Astananyń «Barys» komandasy óz alańynda Reseıdiń Hanty-Mansı qalasynyń «Iýgra» klýbymen kezdesip, 4:3 esebimen jeńiske jetti. Bul týraly egemen.kz tilshisi habarlady.
Kezdesý óte qyzyqty jáne tartysty ótti. Astanalyq hokkeıshiler oıyn bastala sala alǵa umtylyp, 1-mınýtta qarsylastar qaqpasyna alǵashqy shaıbany soqty. Bul shaıbanyń avtory Roman Starchenko atandy. Birinshi kezeńde alań ıeleri qanshama tyrysqanymen ekinshi shaıbany soǵa almady. Onyń ornyna «Iýgranyń» oıynshysy Nıkıta Gýsev17-mınýtta esepti teńestirdi.
Ekinshi kezeńde «Barys» kóp shabýyldyń birinde qarsylastar qaqpasynyń kiltin taýyp, esepti 2:1-ge jetkizdi. Onda qonaqtardyń qaqpasyn 23-mınýtta Mıhaıl Rahmanov dál kózdedi. Osydan keıin araǵa bir mınýt salmastan Nıkolaı Antropov úshinshi shaıbany soqty. Ekinshi kezeńde «Iýgra» esepti qysqarta aldy. Oıynnyń. 32-mınýtynda Artıom Býlıanskıı shaıba soqty. Alaıda, osy kezeńde Brendon Bochenskı «Iýgranyń» qaqpashysynan aılasyn asyryp, tórtinshi goldyń avtory atandy.
Úshinshi kezeńde «Iýgra» oıynnyń aıaqtalýyna 5 mınýt qalǵanda Artem Býlıanskııdiń shaıbasymen esepti qysqarta aldy. Odan basqaǵa shamasy kelmedi. Sóıtip, astanalyq hokkeıshiler «Iýgra» klýbyn pleı-off kezeńinen shyǵaryp tastady. Endi «Barys» kelesi kezdesýin 26 aqpan kúni Reseıdiń Mytıshı qalasynda «Atlant» komandasymen ótkizedi.
Dastan Kenjalın.
Derekkóz: http://hcbarys.kz/