Elordada jiti rıspıratorlyq vırýstyq ınfeksııamen aýyrǵandar sany artty. Bul týraly Nur-Sultan qalalyq bas memlekettik sanıtar dárigeriniń orynbasary Janna Pirálıeva aıtty, dep habarlaıdy Egemen.kz.
«2021 jyldyń basynan beri Nur-Sultan qalasy turǵyndarynyń arasynda JRVI-diń 32,5 myń jaǵdaıy tirkeldi. 100 myń turǵynǵa shaqqandaǵy kórsetkish – 2 814. Bul ótken jylǵy kórsetkishten 43,3 paıyzǵa joǵary. Byltyr 20 706 jaǵdaı tirkelgen bolatyn», dedi ol elorda ákimdiginde ótken brıfıng barysynda.
Onyń aıtýynsha, 14 jasqa deıingi balalar arasynda JRVI-diń 15 635 jaǵdaıy tirkelgen. Sońǵy aptanyń ózinde 1 054 bala aýyryp qalǵan. О́tken aptamen salystyrǵanda balalar arasynda JRVI-men aýyrý 32 paıyzǵa ósip otyr.
«JRVI-men aýrýdyń aptalyq kórsetkishi baqylaý deńgeıinen asyp otyrǵan joq. Sońǵy 2020-2021 jyldarǵy epıdemıologııalyq maýsymda JRVI-diń 25 252 jaǵdaıy tirkeldi. Onyń ishinde 15 090 bala aýyrdy», dedi Janna Pirálıeva.