Sybaılas jemqorlyqqa qarsy is-qımyl agenttiginiń Jambyl oblysy boıynsha departamenti 8 aı ishinde atqarylǵan jumysyn qorytyndylady, dep habarlaıdy Egemen.kz.
Bıyl 8 aı ishinde departament 46 qylmysty tirkegen. Onyń ishinde, sybaılas jemqorlyq derekteriniń júıeli túri boıynsha – 4, kishi jáne orta bıznes sýbektileriniń jumysyna zańsyz aralasý baǵytynda – 2, memlekettik baǵdarlamalardy súıemeldeý barysynda qarajattardy urlaý derekteri boıynsha – 7 negizgi qylmys tirkelgen.
Jambyl oblysy ákimdigi vetırınarııa basqaramasynyń Shý aýdandyq vetırınarııalyq stansııasynyń basshysy D.Tılemısov jáne atalǵan mekemeniń bas esepshisi S.Aýkesheva júıeli túrde qylmys jasaý arqyly 62 mln teńgeden astam memleket qarjysyn talan-tarajǵa salǵan, ıaǵnı olar 7 kásipkerlik sýbektisiniń esep shottaryna atqarylmaǵan jumystar úshin 62 mln teńgeden astam qarajatty aýdarǵan. Sot úkimimen Tılemısov 8 jylǵa, al Aýkeshova 7 jylǵa bas bostandyǵynan aıyrý jazasymen sottaldy.
Segiz aı ishinde 36 qylmystyq is sotqa joldandy. Zańsyz is-áreketteri úshin 26 tulǵa qylmystyq jaýapqa tartyldy.