Qazaqstandaǵy dıplomatııalyq mıssııasynyń aıaqtalýyna baılanysty keshe EQYU-nyń Is basyndaǵy tóraǵasy, elimizdiń Memlekettik hatshysy – Syrtqy ister mınıstri Qanat Saýdabaev Ázirbaıjan elshisi Lıatıf Seıfeddınoǵly Gandılovty qabyldady.
Kezdesý kezinde L.Gandılov eki el eneregetıka salasyndaǵy qarym-qatynastaryn tabysty damytyp kele jatqanyn atap kórsetti. Ázirbaıjan men Qazaqstan óz óńirlerindegi mańyzdy kóshbasshylar bolyp sanalady. Eki memleket te Eýropanyń energetıkalyq qaýipsizdigine belsendi qatysý ústinde. Osyndaı aýqymdy jumystardy atqarý Qazaqstan men Ázirbaıjan halyqtarynyń úlesine tıip otyr. Ázirbaıjan men Qazaqstan qazirgi tańda óz óńirlerinde beıbitshilik ornatýǵa belsendi qatysyp keledi. Eki el halyqaralyq quqyqtyń beldi oıynshylary bolyp tabylady”, dedi L. Gandılov oıyn sabaqtaı kelip.
Elshi, sonymen qatar, Qazaqstanda qyzmet istegen jyldary elimizdiń tolaıym tabystarǵa jetkeniniń kýágeri bolǵanyn atap aıtty. Osy rette ol Qazaqstanda qyzmet istegen jyldaryn ǵumyr boıy umytpaıtynyn erekshe atady. Onyń aıtýynsha, ózi qaı jerde jumys istese de, eki el arasyndaǵy qarym-qatynasty budan da jaqsarta túsýge umtylatyn bolady.
Jaqsybaı SAMRAT.