ÚNDEÝ

Táýelsiz Memleketter Dostastyǵyna múshe memleketter basshylarynyń 1941-1945 jyldarǵy Uly Otan soǵysyndaǵy Jeńistiń 65 jyldyǵyna baılanysty Dostastyqqa múshe memleketterdiń halyqtaryna jáne álem jurtshylyǵyna

ÚNDEÝI

2010 jyldyń 9 mamyrynda Táýelsiz Mem­leketter Dostastyǵyna múshe mem­le­ket­terdiń halyqtary Uly Otan soǵy­syn­daǵy keńes halqy Jeńisiniń 65 jyldyǵyn atap ótedi. Buryn-sońdy bolyp kórmegen asa aýyr da qatygez soǵysta Keńes Oda­ǵy­nyń kópultty halqy jáne onyń Qarýly Kúshteri óz Otanynyń azattyǵy men táýel­sizdigin saqtap, álemniń kóptegen elderin fashıstik ezgiden qutqaryp qaldy. Maıdanda jáne tylda bizdiń ha­lyq­ta­ry­myz janqııarlyq pen jappaı qahar­man­dyq kórse­tip, patrıottyq pen ınterna­sıo­naldyq ónege­sin, kóz kórip, qulaq estimegen qaısarlyq ta­nyt­ty, onsyz jeńiske jetý múm­kin emes edi. Mun­daı qaısarlyqty tarıh bilgen emes. Je­ńis­ke degen mundaı erik-jigerdi de bilgen emes. Jyl ótken saıyn bizdiń halyqtarymyz jasaǵan erlik ónegesi sónbeıdi. Ýaqyt biz­den bul oqıǵany alystatqan saıyn bo­la­shaq úshin qasqaıyp tura bilgen Jeńis sol­dat­tary atqarǵan tarıhı mıssııanyń mán-mańyzy solǵurlym jarqyraı kórinedi. Son­dyqtan da Dostastyqqa múshe memle­ket­terdiń halqyna jáne álem jurtshy­ly­ǵy­na sóz arnaı otyryp, qazir biz óz mem­le­ketterimizde aman-saý júrgen ardager­ler­ge “rahmet” deımiz. Biz jeńimpaz qaharman­dar­ǵa sózben ǵana emes, sonymen birge naq­ty ispen de qurmet kórsetýge, soǵysqa qa­ty­sýshylar men tyl eńbekkerlerin kún­delikti qamqorlyqqa bóleýge, olarǵa kóńil bólip, jaıly turmys jaǵdaılaryn jasaýǵa shaqyramyz. 9 mamyr – Jeńis kúni – bizdiń adamdar úshin ádildik saltanat qurǵan, maqtanysh jáne osynaý sheksiz qatygez de surapyl shaı­qasta opat bolǵan mıllıondardy jal­py­halyqtyq aza tutý kúni. Uly Otan soǵy­sy jyldarynda erlikpen qaza tapqan­dar­dyń esimderi biz úshin qasıetti de qasterli. О́z ómirlerin Otan úshin, demek – bizdiń azattyǵymyz úshin qurban etkenderdiń aldynda ótelmesteı qaryzdarmyz. Biz álemdi fashızmnen qutqaryp qalǵan soldattar men tyl eńbekkerleriniń qahar­mandyǵyn umytpaımyz. Sondyqtan da óz Otanynyń azattyǵy men táýelsizdigi úshin qaza tapqandardy qasıettep este saqtaýǵa, jaýyngerlik qorymdardy, memorıaldyq keshenderdi, eskertkishter men obelısk­ter­di, sondaı-aq partızandardyń, astyrtyn jumys istegender men fashıstik lagerler tutqyndarynyń molalaryn saqtaý jáne kútip ustaý jóninde turaqty qamqorlyq kór­setýge; Uly Otan soǵysy jyldarynda fa­shıstik basqynshylardyń qolynan opat bolǵan jaýyngerler men beıbit azamat­tar­dyń múrdeleri qaldyqtaryn izdestirýdi belsendi júrgizýge shaqyramyz. Biz Jeńisti ózimizdiki jáne bógdeniki dep bólmeımiz, fashızmge qarsylyq kór­set­kenderdiń erligine árqashan qurmet bil­di­remiz. Biz antıgıtlerlik koalısııadaǵy odaqtastary­myzdyń Jeńiske qosqan úle­sin, bizge kórsetken kómegin este ustaımyz. Alaıda, barynsha aýqymdy jáne saıyp kelgende, basty oqıǵalar keńes-german maı­danynda boldy. Soǵys jyldarynda bizdiń elderimiz ondaǵan mıllıon azamat­ta­rynan aıyryldy. Maıdan dalasynda qaza tapqandardyń arasynda barlyq ulttyń adamdary bar edi. Bizdiń memleketterimizdiń halyqtary jeńiske jetýge sheshýshi úles qosqanyn eskere otyryp, biz óskeleń urpaqtyń boıynda ortaq qaharmandyq tarıhymyz jáne fashızmmen kúrestegi uly erligimiz úshin maqtanysh sezimin tárbıeleýge shaqyramyz. Halyqaralyq quqyqtyń jalpyǵa ortaq qaǵıdattary men normalaryn, BUU Jarǵysy men Helsınkıdiń Qorytyndy aktisiniń qaǵıdalaryn jaqtaıtynymyzdy qýattaı otyryp, biz álemdegi qaýipsizdik pen turaqtylyqty nyǵaıtýda belsendi ózara yqpaldasýǵa, halyqaralyq lańkesshildikpen jáne ekstremızmmen kúrestegi kúsh-jigerdi arttyrýǵa, qazirgi bar qaqtyǵystardy beıbit saıası retteýge jáne múmkin bolatyn qaqtyǵystardyń aldyn alýǵa shaqyramyz.