Jastar Elbasy ıdeıasynan rýh alady

Jaqynda M.Áýezov atyndaǵy Ońtústik Qazaqstan memlekettik ýnıversıtetinde «Máńgilik El» Jastar qozǵalysynyń 1-shi res­pýb­­­lıkalyq sleti ótti. Jastar Elbasymyz N.Á.Nazarbaevtyń «Máńgilik El» ulttyq ıdeıasynan rýh alyp, Memleket basshysynyń usynysyn qoldaý úshin Jastar qozǵalysyn qurý týraly bastama kóterdi. Bul is-sharaǵa elimizdiń 30 joǵary oqý ornynan 700-ge jýyq delegat qatysty. Qozǵalystyń basty maqsaty  – teńdik pen bostandyq týraly halqymyzdyń armandaryna, ulttyq birlik pen toleranttylyqqa ne­giz­delgen Jańa Qazaqstandyq Patrıotızmniń damýy men  qalyp­tasýyna baǵyttalǵan Tuńǵysh Prezıdent N.Á.Nazarbaevtyń saıası baǵytyn qoldaý jáne Qazaqstan jastaryn ulttyq ıdeıa tóńiregine biriktirý. Slet jumysynda «Máńgilik El» Jastar qozǵalysynyń 1-shi respýblıkalyq sletine qatysý­shylardyń manıfesi men qarary qabyldandy. Oralhan DÁÝIT, «Egemen Qazaqstan». Ońtústik Qazaqstan oblysy.