Ult rýhanııatyn qaýzady

Qazaqstannyń ortalyq kommýnıkasııalar qyzmetinde kezekti brıfıng ótti. Bul jolǵy basqosý Elbasy Joldaýynda aıtylǵan «Máńgilik El» ulttyq ıdeıasyna arnaldy. Jıynǵa belgili sýretshi Baqtybek Talqambaev, «Shejire» qazirgi zaman galereıasynyń jetekshisi Roza Júsipova, medısına ǵylymdarynyń doktory Erbolat Dálenov jáne ónertaný professory Ermek Asylhanov syndy óner, ǵylym salasynyń ókilderi qatysty. «Zııaly qaýym ókilderi Mem­leket basshysynyń Joldaýynda jarııalanǵan «Qazaqstan-2050» Strategııasyn qoldaıdy. «Máń­gilik El» ulttyq ıdeıasy bizdi rýhanı izdenisterge, shyǵar­ma­shy­lyq izdenisterge yntalandy­rady. Sonyń dáleli retin­de biz elordalyq sýretshi Baqtybek Tal­qambaevtyń kórme­sin uıym­dastyryp otyrmyz. Bul kórme «Máńgilik El» dep atalady», – dedi osy is-sharaǵa uıytqy bolǵan Roza Júsipova. «Elbasynyń «Máńgilik El» degen sózi bizdi, óner adamdaryn qanattandyryp jiberdi. Meniń shyǵarmashylyǵym da negizinen osy taqyrypqa arnal­ǵan. Kóptegen týyndylarymdy sheteldik kórermender jy­ly qabyldap, ulttyq boıaýǵa rıza­lyqtaryn bildirip júr. HHI ǵasyr – Elbasy jıi aıtatyn ǵylym ǵasyry. Sol ǵylym ǵasyrynyń er­teń­gi tutqasy – búgingi talantty balalar. Olardyń arasynan ta­lant­tardy tap basyp tanyp, baý­lý bizdiń basty mindetimiz», dedi Baqtybek Talqambaev. Brıfıngte sóz alǵan medısına ǵylymdarynyń doktory E.Dálenov «Máńgilik El» bolý úshin adam densaýlyǵynyń da mańyzdy ekenin aıta kele, bul rette shyǵarmashylyqtyń, onyń ishinde, ásirese, sýret óneriniń paıdasy molynan ekenin jetkizdi. Atalǵan ónerde bolatyn jeti túrli boıaýdyń qasıetine de toqtalyp ótti dáriger. Al, ónertaný professory Ermek Asylhanov ta beıneleý, sáýlet ónerleriniń erekshelikterin ózindik naqty mysaldarymen tolyqtyra kele, elimizde sáýlet óneri kem degende qola dáýirinen bastalatynyn naqty dáleldermen tilge tıek etti. Basqosý barysynda qonaqtar BAQ ókilderiniń birqatar suraq­taryna jaýap berdi. Ábdirahman QYDYRBEK, «Egemen Qazaqstan».